وبصراحه بعدنا ما إطاعمناها ..بعد صلاة التراويح بحطيها ..
أتمنى تعجبكم ..وانتظر التعليق..[IMG]
..[/IMG]
طبعا الطريقه موجوده تحت …
أما الأكواب هذي فهي بلاستيك وماليها غطي
وماخذتنهن من مصنع فالكون بالشارجه ..المحل صغير لكن فيه شغلات حلوه..
من وين ماخذه الكوبات ادوررررهن
وشكل السويت خطييير نرقب الطريقه خيتوؤ . .
ممكن الطريقة؟؟؟
و تسلم ايدج ع الحلا و بالعافية ^^
يعطيج العافية …
الكاسات رووووعه
من وين ماخذه الاكواب
و ممكن الطريقه .!!!
بالنسبه لسؤال الأخوات (سوارة )و(بنوته) عن الأكواب
هذيلا الأكواب هن بالأصل صغار وشكلهن كيوت وحلو
وما خذتنهن من مصنع فالكون بالشارجه بصراحه المصنع عنده شغلات حلوه صح حجمه ما وايد كبير(صغير) لكن عندهم من السوالف هذي وطبعا سعرهم أرخص ..أنصحكم تروحوه..
وبالنسبه للطريقة فهي طبقات والطبقة إلي تحت من منتدى يايبتنها أما الطبقات الباقية من عندي
………………………………………….. ..
الطريقة:
المقادير
الطبقة الاولى
ظرفين دريم ويب
ظرفين كريم كراميل
علبتين قشطه
ملعقتين نيدو
وشوية ماء
وطبعا بالخلاط وتحطيها بالأكواب وتخلي جزء من الخلطة عشان نستخدمه في الطبقه الثالثة
الطبقة الثانيه:
بسكويت مغمس بالحليب وتفتتيه وكثري شويه من طبقة البسكويت بتطلع حلوه
والطبقة الثالثه
تحطي ككاو نوتيلا على حسب الكمية إلي تبيها وتحطي الجزء إلي خليتيه من الطبقة الأولى وتحطي شوي حليب مكثف وتحطي الحليب الباقي إلي غمستي فيه البسكويت (الخلطة بتطلع سايحه)
وتحطي الخلطة في الأكواب وبعدها ازيني الأكواب بككاو جلكسي مبشور وتحطيها بالثلاجه
ياحلاتها وهيه بارده
طبعا الأكله دسمه فالأفضل تحطي بأكواب صغيرة
وإن شاء الله بسوي الأكله هذي في العيد
>>بصراحه الأكله طلع طعمها وايد حلو الكل عيبته وأنا إلي قلت محد بياكلها لكن طلع العكس وخلصت بسرعه والأكواب صغيرة فالواحد ياكل ثنتين وثلاث وهوه ماداري بعمره
نسيت ما قلت ليكم ( الطبقة الأولى سويت كل المقادير نص الكميه وفالأخير طلعت لي الكميه نفس ما شايفينهافي الصوره