السلام عليكم
بنات من الضيجه الي فيني .. ما عرفت لمنو اشتكي …. ما بغيت اتصل على امي و احسسها بضيجتي … و لا اختي لان الي فيها كافيها ….
قلت محد بيستوعبني غيركم ….
و الي عندها اي نصيحه تقدر تقدمها لي … لا تبخل علي …
الموضوع يا بنات ….
ان ولديه لازمله علاج … عضلات اطرافه وايد تعبانه ….. و نحن نعرف هالشي من انا كنت حامل فيه
عقب الربى … الدكتور المختص .. كسر فخذه .. مب خلع يا بنات … كسر ….و تم في الحضانه 3 اسابيع لين ما التئم الكسر … و فوق هذا … لما كنت اروحله الحضانه … اشوفه يباغم و يصيح و مب هو بس … وايد يهال نفس الحاله … لين ما ياله فتاق …. و سووله عمليه الفتاق … خصوصا فتره النهار .. اما فتره المسا … الممرضات كانو وايد اوكي ….
المهم … رحنا قدمنا لطلب لللعلاج في الخارج … و هالفتره حولونا لمستشفى الشيخ خليفه في بوظبي ..
كان يتابعه دكتور زائر و الله يشهد ان علاجه كانت وايد حلو بس تابعه لمدة اسبوعين بس و سافر ..
هني بدى اللعب …..
في دكتور مصري بدى يتابع الحاله … و العلاج كان انهم يحطون جبسات على ريول ولديه … عاد تقولون الدكتور ما صدق و بدى يحط كيلوات من الجبس على الريول …لدرجه اني ما كنت اقدر اشل ولديه من كثر ما هو ثقيل …..و زاد وضعه سوء ….. في هالوقت كمل ولديه 6 شهور .. و الحمد لله يت الموافقه على انا نسافر لندن ….
و هناك …. الدكتور انصدم … قال حالت الولد متضرره زياده … شو كنتم تسووله هناك ….؟؟؟!!!
المهم سواله عمليه و علاج بالجبسات … بس الله يشهد ان الجبس مالهم خف الريشه …. و لا العلاج الطبيعي .. لازم 4 مرات في الاسبوع … و احيانا يوميا …. غير الوسائل الي عطونا ياها من ادوات شد للمفاصل …. و لما سالت دكتور العلاج الطبيعي اذا كان يقدر ايوفر لنا هالاشياء … قال انها مب موجوده في الدوله !!!!
بعد شهرين رجعنا … و كتبلنا موعد شهر 9 …. و شوفو يا بنات نحن الحين شهر شو … شهر 3
كانو يماطلون في التقرير و الي ينساه على مكتبه و الي يقول مب فاضي والي يقول الدكتور عنده اجتماعات ….
و في الاخر … كتبت الدكتوره في التقرير ان العلاج متوفر في الدوله و انها تقدر تعالجه و ما يحتاج سفر ؟!! ( تبون تكملون لعب في الولد)
و لما سالنا بنت عمي .. ليش الدكتوره كتبت جي ( بحكم انها هي بعد دكتوره ) قالت علشان ما يحاسبونها و يقولون عيل انتي ليش يايبينج دكتوره تشتغلين عندنا…
المهم و كتبت في التقرير بعد ان العلاج الطبيعي المكثف غير موجود ……
بس مع ذلك طلع قرار اللجنه …و قالي انه بيكمل علاج هني ….
كيف ؟!! الولد يباله زرع عضلات … عمليات شد ركبه … علاج طبيعي .؟؟؟ وين هكله بيصير .. و اذا كان هم في بدايه العلاج … زادو حالته سوء .. شو بيسوون بعدين …..
يعني الحين بيكم سنتين و ما يقدر يمشي …في احساس في الريول بس العضلات ما تساعده …
بنات من الضيجه الي فيني .. ما عرفت لمنو اشتكي …. ما بغيت اتصل على امي و احسسها بضيجتي … و لا اختي لان الي فيها كافيها ….
قلت محد بيستوعبني غيركم ….
و الي عندها اي نصيحه تقدر تقدمها لي … لا تبخل علي …
الموضوع يا بنات ….
ان ولديه لازمله علاج … عضلات اطرافه وايد تعبانه ….. و نحن نعرف هالشي من انا كنت حامل فيه
عقب الربى … الدكتور المختص .. كسر فخذه .. مب خلع يا بنات … كسر ….و تم في الحضانه 3 اسابيع لين ما التئم الكسر … و فوق هذا … لما كنت اروحله الحضانه … اشوفه يباغم و يصيح و مب هو بس … وايد يهال نفس الحاله … لين ما ياله فتاق …. و سووله عمليه الفتاق … خصوصا فتره النهار .. اما فتره المسا … الممرضات كانو وايد اوكي ….
المهم … رحنا قدمنا لطلب لللعلاج في الخارج … و هالفتره حولونا لمستشفى الشيخ خليفه في بوظبي ..
كان يتابعه دكتور زائر و الله يشهد ان علاجه كانت وايد حلو بس تابعه لمدة اسبوعين بس و سافر ..
هني بدى اللعب …..
في دكتور مصري بدى يتابع الحاله … و العلاج كان انهم يحطون جبسات على ريول ولديه … عاد تقولون الدكتور ما صدق و بدى يحط كيلوات من الجبس على الريول …لدرجه اني ما كنت اقدر اشل ولديه من كثر ما هو ثقيل …..و زاد وضعه سوء ….. في هالوقت كمل ولديه 6 شهور .. و الحمد لله يت الموافقه على انا نسافر لندن ….
و هناك …. الدكتور انصدم … قال حالت الولد متضرره زياده … شو كنتم تسووله هناك ….؟؟؟!!!
المهم سواله عمليه و علاج بالجبسات … بس الله يشهد ان الجبس مالهم خف الريشه …. و لا العلاج الطبيعي .. لازم 4 مرات في الاسبوع … و احيانا يوميا …. غير الوسائل الي عطونا ياها من ادوات شد للمفاصل …. و لما سالت دكتور العلاج الطبيعي اذا كان يقدر ايوفر لنا هالاشياء … قال انها مب موجوده في الدوله !!!!
بعد شهرين رجعنا … و كتبلنا موعد شهر 9 …. و شوفو يا بنات نحن الحين شهر شو … شهر 3
كانو يماطلون في التقرير و الي ينساه على مكتبه و الي يقول مب فاضي والي يقول الدكتور عنده اجتماعات ….
و في الاخر … كتبت الدكتوره في التقرير ان العلاج متوفر في الدوله و انها تقدر تعالجه و ما يحتاج سفر ؟!! ( تبون تكملون لعب في الولد)
و لما سالنا بنت عمي .. ليش الدكتوره كتبت جي ( بحكم انها هي بعد دكتوره ) قالت علشان ما يحاسبونها و يقولون عيل انتي ليش يايبينج دكتوره تشتغلين عندنا…
المهم و كتبت في التقرير بعد ان العلاج الطبيعي المكثف غير موجود ……
بس مع ذلك طلع قرار اللجنه …و قالي انه بيكمل علاج هني ….
كيف ؟!! الولد يباله زرع عضلات … عمليات شد ركبه … علاج طبيعي .؟؟؟ وين هكله بيصير .. و اذا كان هم في بدايه العلاج … زادو حالته سوء .. شو بيسوون بعدين …..
يعني الحين بيكم سنتين و ما يقدر يمشي …في احساس في الريول بس العضلات ما تساعده …
بنات الي عندها حل ما تبخل علي ….
لآ حول و لا قوه الا بالله العلي العظيم
الحل يالغلا . اقرئي على ولدج و لا تبخلين عليه
و الله ماعندي غير هالحل ..
الدكاتره اللي عندنا .. لو شو ما اذم فيهم ما يكفيني
نادرين الاطباء الزينيين
البقيه كلهم قصابين …
حسبنآ الله و نعم الوكيل
حبوبتي .. ارجعي للهيئه .. و كلميهم و ادخلي ع المدير و قوليله الاطباء هني عندكم ما قدروآ يسوون شي خلال هالفتره كلها
و انا مواطنه و ولدي مواطن و من حقي اطالب بالعلاج في الخارج
بعطيج رقم دكتور ..
تقدرين تكلمينه و تسألينه عن حاله ولدج و ان شاء الله يقدر يفيدج
لآ حول و لا قوه الا بالله العلي العظيم
الله يشفي ولدج ان شاءالله
الله يشفي ولدج ان شاءالله
..
الله يعينج ان شالله .. نصيحتي لا تخلين حد يلعب بولدج اهنيه .. سافرو ولا تدرون لين ما يخلص علاج ولدج ..
..
اختي الغاليه الله يصبرج على ما ابتليتي فيه احمدي الله على كل حال والله يشفي ولدج وتشوفينه يمشي سالم ومعافى بإذن الله تعالى
اختي الغاليه انصحج انج تسفرين الولد على حسابكم الخاص لان في هالوقت العلاج في الخارج صار صعب وانتي ادرى بهالشيء مادري هي مماطله من الدكاترة ولا لان المستشفيات الحين تحولت من حكوميه الى شركات وانت تعرفين ان الشركات همها الفلوس قبل النفوس وانا امجربه هالشيء قبل سنتين اختي الي اصغر عني تزوجت وبعد خمسة شهور من زواجها طاحت فجأة ووديناها المستشفى لو شفتي حالتها بتقولين يمكن اصيبت بشلل نصفي لكن الدكاترة ما عرفوا شو مرضها وكانوا يجربون عليها ادويه لين ما دخلت في غيبوبه واخر شيء قعدة في الانعاش وبعد كانوا يجربون فيها العلاج وعجزنا واحنا نطالب بتسفيرها وكانوا يماطلون حتى انا كنا نبى نطلعها من المستشفى المقرف هذا لكن حالتها ما تساعد المهم بعد شهرين من دخولها العنايه قرروا اخيرا على انهم يسفرونها لامريكا للعلاج فرحنا وتأملنا خير وقالوا لازم نخرجها الى العنبر ونشوف اذا كانت تقدر تصبر علشان السفر المهم صار هالشيء وكانوا اهلي امي وابوي ينامون عندها ولا يفارقونها ابد وكان العلاج بعد مستمر تخيلي بعد يومين من دخولها العنبر لاحظت امي ان اختي ما تبول او كان يقل والادويه والماي المغذي شغال وخبرتهم لكن لامجيب ويوم بعد يوم بدى بطنها يورم واحنا نتضارب وياهم ونخبرهم لكن لامجيب فجأة بدى الضغط ينزل وابوي المسكين حس ان بنته تروح من ايده راح للعنايه وتم يتشكى لهم ويقول للسستر ما انساها كانت قمه في الاخلاق من الجنسيه السوريه وراحت مع ابويا تشوف اختي في العنبر ولما دخلت وشافت الحاله ركضت للرسبشن وتصارخ على الممرضات الي هناك وبسرعه خذوها للعنايه المركزة لكن للأسف توفت اختي الله يرحمها وغمد روحها الجنه وبعد ما انتهينا من مراسم الدفن اخوي ما خلاهم وتم وراهم واكتشف ان الدواء الي كانوا يعطونها خطير يسبب تلف للكلى وهذا الدوا ما يعطونه للمريض الا تحت مراقبه مشدده
المهم الناس تمت تصر على ابوي وتقوله لازم ترفع قضيه عليهم حتى ما يغلطوا مرة ثانيه في حق ناس ثانيين ورفع ابوي عليهم قضيه تدرين في النهايه شو قالت المحكمه له انهم بيعوضون ابوي بمبلغ مالي
طبعا لو يعطونه مال الدنيا كلها ما بتييب ربع من ثمن بنته
رفض ابوي المال ……………………….. واستمرت الحياة لكن مازالت اخطاء الاطباء مستمرة
اختي الغاليه انصحج انج تسفرين الولد على حسابكم الخاص لان في هالوقت العلاج في الخارج صار صعب وانتي ادرى بهالشيء مادري هي مماطله من الدكاترة ولا لان المستشفيات الحين تحولت من حكوميه الى شركات وانت تعرفين ان الشركات همها الفلوس قبل النفوس وانا امجربه هالشيء قبل سنتين اختي الي اصغر عني تزوجت وبعد خمسة شهور من زواجها طاحت فجأة ووديناها المستشفى لو شفتي حالتها بتقولين يمكن اصيبت بشلل نصفي لكن الدكاترة ما عرفوا شو مرضها وكانوا يجربون عليها ادويه لين ما دخلت في غيبوبه واخر شيء قعدة في الانعاش وبعد كانوا يجربون فيها العلاج وعجزنا واحنا نطالب بتسفيرها وكانوا يماطلون حتى انا كنا نبى نطلعها من المستشفى المقرف هذا لكن حالتها ما تساعد المهم بعد شهرين من دخولها العنايه قرروا اخيرا على انهم يسفرونها لامريكا للعلاج فرحنا وتأملنا خير وقالوا لازم نخرجها الى العنبر ونشوف اذا كانت تقدر تصبر علشان السفر المهم صار هالشيء وكانوا اهلي امي وابوي ينامون عندها ولا يفارقونها ابد وكان العلاج بعد مستمر تخيلي بعد يومين من دخولها العنبر لاحظت امي ان اختي ما تبول او كان يقل والادويه والماي المغذي شغال وخبرتهم لكن لامجيب ويوم بعد يوم بدى بطنها يورم واحنا نتضارب وياهم ونخبرهم لكن لامجيب فجأة بدى الضغط ينزل وابوي المسكين حس ان بنته تروح من ايده راح للعنايه وتم يتشكى لهم ويقول للسستر ما انساها كانت قمه في الاخلاق من الجنسيه السوريه وراحت مع ابويا تشوف اختي في العنبر ولما دخلت وشافت الحاله ركضت للرسبشن وتصارخ على الممرضات الي هناك وبسرعه خذوها للعنايه المركزة لكن للأسف توفت اختي الله يرحمها وغمد روحها الجنه وبعد ما انتهينا من مراسم الدفن اخوي ما خلاهم وتم وراهم واكتشف ان الدواء الي كانوا يعطونها خطير يسبب تلف للكلى وهذا الدوا ما يعطونه للمريض الا تحت مراقبه مشدده
المهم الناس تمت تصر على ابوي وتقوله لازم ترفع قضيه عليهم حتى ما يغلطوا مرة ثانيه في حق ناس ثانيين ورفع ابوي عليهم قضيه تدرين في النهايه شو قالت المحكمه له انهم بيعوضون ابوي بمبلغ مالي
طبعا لو يعطونه مال الدنيا كلها ما بتييب ربع من ثمن بنته
رفض ابوي المال ……………………….. واستمرت الحياة لكن مازالت اخطاء الاطباء مستمرة
حبوووبه .. كل طبيب له نظره ف الامووور ويختلف احيااانا من طبيب لأخر .. وهالشي يصير ..
وبخصووص العلاج ف الخااارج .. لا تتريين من حد يودي ولدج .. صحته اهم شي .. عالجوه على حسابكم
الله يعينج