حد سمع عن كتاب اطباق النخبه للمطلقة

مرحبا
اشحالكم ان شالله بخير
الى سمعت عن ها الكتاب اتقولى عشان انا ابغى واحد
وايد وايد يمدحونه

هيي انا سمعت عنه وبعدين شفته .. بصراحه ودي يكون عندي .. يابته ربيعتي الدوام وتقول ان بنت اختها يايبتنه من السعوديه ..

السلام عليج اخت شقرا الكتاب اللي طريته وايد يمدحونه البنات وكانوا يقولون ان الكتاب اكثر من رائع ويكتبون من وصفاته في المنتديات وشفت اعلان عنه في منتديات حواء وسألت عنه اذا متوفر عندنا بالدولة اقولج نعو متوفر في مكتبات جرير الموجودة في ابوظبي فرع جمعية ابوظبي التعاونية وسعر الكتاب يفرق عندنا 150 وفي السعودية 120 والكتاب رائع اختي خاصة الحلويات

مشكورين على الردود
ان شاالله يوم بسير ابوطبى بمر على المكتبه
محد بيطرشلى اياه من ابوطبى

ان شاالله
فالكم طيب

أول مره أسمع عن هذا الكتاب
يبالي أشتريه ريلي اليوم رايح بوظبي بخليه ياخذ لي واحد