حبوب في ويهي ؟؟ شو الحل؟ لحياة صحية

مرحبا بنات
انا أول مره احمل و وايد تطلعلي حبوب في ويهي و اخاف استخدم اي كريم
plz help me

طبيعي الحوامل تطلعلهم حبوب في اماكن متفرقه مو شرط بالوجه فقط لتغير هرمونات الجسم ولاتتضايقين بعد الولاده كل شي يرجع مثل ماكان إن شاء الله … أهم شي لاتاكلي مقالي واشياء فيها زيوت ..
الله يهون عليك حملك ويسهل ولادتك اللهم آمين يارب .

وانا بعد شراتج طلعت لي حبوب في ويهي وعلى صدري .. ومب عارفه شو اسوي .. عندي كريمات يايبتنهن من الهند وخايفه استخدمهن .. المره اليايه اذا رحت عند الدكتوره وبراويها الكريمات وبشوفها بشو تنصنحي

ماعندي فكره اختي…
استخدمي صابونه لايف بوي الحمرا هي تنشف الحبوووب

والله يسرلج ولادتج وتقومين بالسلامه

كانت تطلع لج حبوب قبل الحمل ولا هاي أول مره يعني مثل حب الشباب ؟
انصحج تستخدمين صابونة سيباميد واايد زينه للحبوب وتنشفهن،، وبعد فيه لوشن ماعرف اخاف اقولج تستخدمينه ..
ع العموم راجعي الدكتوره من الأفضل على شان تتطمنين أكثر ولا تستخدمين اي شي من دون استشارتها ..

واااااااااااااااااااااااااي انا بعد إنمزر ويهي حبوب من حملت ما كان فيني هالقد ؟؟؟شو الحل ؟

انا نفس المعاناة ..انا طبيعتي بشرتي ما تظهر لي حبوب وعند 3 اولاد وما جد ظهرت لي حبوب وانا حامل إلا هالمره ما ادري شو السالفه و ومن غير بشرتي مستويه وايد جاااااااافه ..

الله يشفينا ويعافينا ويتمم لنا حملنا على خير يارب