………………………………………….. ………………………………………….. …………………………….مرحبا خواتي عندي استفسار عن حبوب الروكتين انا استخدمتهم من شهر 6 اول شهرين وجهي زي ماهو مابانت النتيجة بس الشهر هذا الثالث وانا نفس الحالة وقامت تطلعلي حبوبة مثل قبل للحين مومستفيدة اي شي امااااااااااااااانة اذا في وحدة جربت تخبرني كيف كانت تجربتها مع الحبوب لاني نفسيتي وااااااااااااايد تعبانة اقول اشرب على الحبوب ومافي فايدة غريبة انا اللي اسمعة ان اول اسبوعين تنتشر الحبوب مو في الشهر الثالث امااااااااااااااانة اللي ماتعرف ترفعلي موضوعي عشان استفيد من البنات اللي تعالجوا…………..وشكرا
للرفع
حبوبه حبيت ارفع لج الموضوع
وعسى ربي يفرج عليج ان شاء الله
وعسى ربي يفرج عليج ان شاء الله
وانا بعد نفس الشي احس اني واااايد كسلانه واحس بخمول وويهي بدت تظهرله الحبوب مرة ثانيه,,انا بعدي بشهر 2 من الاستخدام,, واسمرت بشرتي واايد..ان شاء الله باجر اسير عند الدكتور واساله لانه نفسيتي تعبت,,واتمنى من البنات يفيدونا
up up
هلا اختي
يا الغالية استمري في الحبوب لاتوقفينها
لأنة أهية في الشهر الخامس تبين نتيجتها
آنة صارت لي نفس السالفة
كانت الحبوب تطلع لي لين الشهر الرابع وبس في اشهر الخامس احسها خفت بوايد
يا الغالية استمري في الحبوب لاتوقفينها
لأنة أهية في الشهر الخامس تبين نتيجتها
آنة صارت لي نفس السالفة
كانت الحبوب تطلع لي لين الشهر الرابع وبس في اشهر الخامس احسها خفت بوايد
يا الغالية اهم شيء انج ماتنسين وتتكيسلين انج تاخذين الحبوب بانتظام
ترى واااااااااايد تنفع هالحبوب
وعن تجربة
انا هالاسبوع الثالث لي اول اسبوعين طلعت لي حبوووب فظييعة تعور وحتى فروة راسي صارت تعورني .. وبشرتي صارت دهنية بس هالاسبوع اشوف الحبوب نشفت والبشرة صارت أحسن وان شاء الله مستمرة عليها .. بس يمكن التأثير يختلف حسب الجرعة أنا الدكتورة كتبت لي 50 مل في اليوم 30 النهار و20 الليل .