أنا أصعب شى مريت فيه عقب الولادة كان الرضاعة ..
طبعا اغلب البنات عندهم حلمات الصدر تكون ممسوحة وهذى الفئة هي اللى تصادفها مشاكل بالرضاعة .. وانا من هالبنات .. مع ان صدرى كبير بس الحلمات ماتبين ممسوحة..
والبيبي يكون مايعرف يرضع .. فبدون لاتحسين بتنجرحين وبتلتهب حلماتج .. فحبيت احط لكم كم نصيحة :
أول شى … لازم قبل لاتروحين المستشفى تشترين Nipple Shields وهي عبارة عن حلمات بلاستكية تلبس فوق الحلمات قبل الرضاعة وهي بتساعد البيبي على عملية الرضاعة وبتساعدج انتي وبتحمي صدرج من التشقق اللى يصير في اول الايام..
وهذى اكثر من صورة :
علما بأن النوع الاول هو افضل نوع استعملته .. ونصيحة خذي لج علبتين لان الحبة تكون شفافة وكانت انسى وين احطها ويوم ادورها ما حصلها …
وجربت هالنوع بس انصح بالنوع الاول وايد احسن
وهذى صورة واضحة
وعلى فكرة تقدرين تغسلينها وتعقمينها مع المراضع .. وايد بتحمي الصدر من الالتهابات والجروح لان اول الايام البيبي مايعرف يرضع عدل فيمسك الصدر بوضعيات غلط تسبب الالم للام…
ثاني شى استخدمي قطن الصدر :
اول الايام بتكون كمية الحليب كبيرة وبتحسين صدرج ينزل منه الحليب بدون لاتحسين .. ويفضل ارتداء قطن الصدر وتبديلها كل ما حسيتي انها انترست وتحول الحليب فيها لمادة نفس الجل
وفي وايد انواع بس بالنسبة ليى افضل نوع ماركة بيجون وسورى ماحصلت صورته
ثالث شى : العناية بالصدر ..
حاولى قبل كل رضعة انج تغسلين صدرج بماي أو على الاقل تمسحينة .. وعقب البسي Nipple Shields ويقولون الاكتفاء بالاستحمام يوميا مع الاغتسال بالصابون يكفي لنظافة الصدر..
وبالنسبة لصدريات الرضاعة :
ألبسي صدرية الرضاعة المناسبة .. وبحط صورة سورى ماعرف اذا بتكون ممننوعة حد ينبهني بشلها >>> بس لاني شفت اكثر من بنت مب فاهمين شو الفرق بين صدرية الرضاعة والصدرية العادية
ويمكن تسالون شو فايدتها :
أنا بقول لكم شو استفدت منها .. كنت احس انها شادة ظهري فترة الرضاعة فما كنت احس بالم في ظهرى اثناء الرضاعة وبسرعة تقدرين تعدليها عن الانتهاء من الرضاعة .. لانها تكون ثابته في مكانها ..
واممممممممم … هية قبل لاانسى .. شفاطة الحليب …
يمكن في ناس تحس ان سعرها غالي ولن تستخدم الا لفترة قصيرة .. بس من رأي اشتريها واستخدميها عقب رجعيها في علبتها وارفعيها … بتستخدمينها للبيبيات اللى بيون عقب …
انصح بالمكينة الكهربائية لانها اسرع وانتي ما بيكون عندج وقت البيبي يبا يرضع وانتي تبين تشفطين وناس يايين يسلمون عليج فوايد انصح بالمكينة الكهربائية خاصة للي يبون يرضعون البيبي بالمرضعة ..
أنا كنت اشفط لبنتي لان ايوني ناس ويطولون عندي واتم بنتي تصيح وساعات ابوها ايي وكنت استحي ارضعها جدامة فكنت اشفط واحطلها الحليب واذا صاحت سخنتة شوى وعطيتها …
اانا كنت استخدم هالمكينة وهي نفسها المعتمدة في المستشفيات واكثر الشفاطات انتشارا في الصيدليات وسعرها تقريبا 390 درهم على ما اعتقد
واذا لاقدر الله انجرحتي أو التهب صدرج .. عندج هالدواء وايد مفيد في علاج الالتهابات تقدرين تحطينة فليل .. والصبح اغسلى صدرج وعقب رضعي البيبي ..
وزين ذكرت .. اذا البيبي يعاني من الغازات اشترىله انفيكول هذا دواء طبي وايد يساعد الاطفال على التخلص من الغازات وينصح فيه من الولادة .. انا استخدمته فترة لبنتي وعقب استويت افوح لها ينسون مع سكر ووايد فاااادها ….
والخوات اللى عندهم اضافات لايقصرون .. عندنا وايد امهات في المنتدي لاول مرة
الله يقومكم جميعا بالسلامة وتقر عينكم بشوفه عيالكم …
ويزاج الله خير
بصراحه اول مرة اعرف هالمعلومات لاني بجر
والله يسهل علينا الولادة يارب
صراحه معلومات وايد مفيده ويت بوقتها
اتمنى اللي عندها زياده ما تقصر
^^
Nipple Shields لشو ؟؟تحمي من الالتهابات ولا التشقاقات ؟؟
وشفاطه الحليب سايز واحد ولا سايزات ؟؟
وجزاج الله خير
عني انا كنت لازم احط موسده وعقب احط البيبي عشان ارفعه
وها الشي وااايد يخفف من ويع الظهر
احسن من انج تنحنين للبيبي
وكريم ألتهابات الصدر كنت استعمل ميبو او بيبانثين
وعن الحلمه المسطحه في مثل الشفاطه الصغيره مخصوصه للحلمات تستعملينها قبل الولاده عشان تبرزهم
*
انى اسألك ايماناً دائمــــــــاً ،,, وأسألك قلبــــــــــــاً خاشعــــاً ،,,،
وأسألك علمــــاً نافعــــــــــاً ,,,، وأسألك يقينـــــــــــاً صادقـــاً ,,,،
وأسألك دينــــــاً قيمـــــــــــاً ،,,, وأســألك العافيةُ فى كل بلية ,,,،
وأسألك تمـــــــام العافيـــــة ,,,, وأســـالك دوام العـافيـــــــــة ،,,,
وأسألك الشكر على العافية ,,,,،
وأسألك الغنى عن النــــاس ,,,,,