حالي لا يسر عدو ولا صديق .. انا انخطبت من حوالي ٣ شهور واللي خطبني كان يدرس معاي فالجامعه اهلي رفضوه مرتين السنه اللي طافت ورد تقدم لي من ٣ شهور ووافقو بشروط تعجيزيه الريال شاريني بس اهلي ماعرف شو فيهم انا كنت المدلعه فالبيت لاني الصغيره وامي متوفيه وانا عمري ٥ سنين الكل تغيرت معاملته لي من توفى الوالد من ٧ سنين انواع الاهانات والسب والقذف وانا ساكته المشكله من خواني وخواتي ولو صار اي شي فالبيت يقولون انا السبب حتى لو انا مالي دخل فيه تطور الموضوع لمساله التهديد بالضرب بسبب وبدون سبب وتدنى مستواي الدراسي فالجامعه لدرجه انهم طردوني لان المعدل وايد نازل من بعد ماكنت من اوائل المدرسه وطبعا تعرضت لابشع انواع التعليقات والكلام اللي ماله داعي والموضوع ما توقف عن هذا الحد خبروا كل العايله واليران واللي يعرفونه عن طردي من الجامعه بس الحمدلله بعد سنه اختي اقتنعت اني ادرس فجامعه خاصه وعلى حسابها بشرط يكون معدلي عالي فالبدايه رفضت وبعدين قلت عالاقل شهاده اذا حتى شغل مب راضين اني اشتغل طبعا الكل عصب لفكره اني ادرس بجامعه خاصه وبفلوس وانا عشان ما ادخل فمشاكل يديده قدمت ع سبونسر وقبلوني وبعدها اهلي سمعوني كلام اني افضحهم وانزل ويههم وهم مب ناقصنهم فلوس ومن هالكلام طبعا اخوي دق ولغى السبونسر وتحجج باني كنت اشوف سبونسر لربيعتي بعدها كملت دراسه وعادلولي مواد وشهر ١٢ تخرجت رفضو اني اشتغل بحجه ان عيب وشغل البيت منو بيسويه اشتغلت مربيه لعيال اخوي وانواع الاهانات منه ومن حرمته واذا ولدهم قال اني ضربته حرمته تزيد الرمسه وتقول اني ضربته وايد وانا والله حنونه وياهم بعدها خواتي المعرسات يحطون عيالهم عندي ولو طلع فيهم شمخ بسيط اسمع انواع التهديدات منهن قمت اطبخ واغسل واكوي وانظف واربي اليهال وانا ساكته وحتى فالويكند ما يخلوني اقعد مع ان خاطري ارجع ادرب مع نفسي الانقليزي او اي شي انا درسته بس مافي امل اختي اللي اكبر مني ب٥ سنين مب متزوجه وتشغتل برع الاماره وما تي الا الويكند وعايشه حياتها معاهم اقترحت عليها اني ادور شغل فنفس الاماره اللي هي فيها واسكن معاها تخيلو قالت انا عندي عامله تيي تنظف كل اسبوع انتي شو اسوي بج عندي ؟ والله تمنيت اموت ولا اني اسالها حطيت فقلبي وسكت وانا اشوفهم الويكند اللي طاف وكل اجازه الكل مسافر بما فيهم اختي وانا قاعده فالبيت بس يودوني معاهم العمره عشان امسك اليهال وهم يتسوقون واقول الحمدلله ويزاهم الله خير
الريال اللي خطبني حطو عليه شروط تعجيزيه منها بيت وسياره مع اني ما اسوق ومبلغ وخدامه وغيره وهو واهله وافقوا بس قالو فالبدايه بعيش وياهم فنفس البيت بس اختي رفضت واصرت ان يكون لي بيت بروحي والله انا مابا اي شي بس ابا الستر وابا ارتاح مابا عرس مثل اللي هم مخططين عليه ولا ابا ذهب ولا ابا شي بس ابا ارتاح لما قلت هالكلام قالت حرمه اخوي انتي هبله بيخلونج خدامه فبيتهم خليج خدامه عندنا احسن
والله من ضيجتي كتبت وابا اسمع ردكم
للعلم انا ماعندي صديقات مقربات او حد افضفضله
بس صاحبه الاكاونت عطتني اكاونتها في حال اني احتجت افضفض
ماعرف شو اقولج بس الله يهديهم ان شاء الله .. خلي اهل خطيبج يستعيلون عشان تفتكين من الاهانات.
الله يفرج همج حبيبتي
حسبي الله ونعم الوكيل خوانج وخواتج بدل لايكونون لج سند ف هالدنيا جي يسوون بج
ماعرف شو اقول لج عزيزتي بس مالج الا الصلاه والدعاء وربي بيفرجها عليج صدقيني
وان شاءالله تتسهل امورج وتتزوجين هالريال ويحطج بعيونه ويعوضج عن كل شي
لا حول ولا قوة الا بالله
غمضتيني الصراحه
الله يعينج
المشكله انتي سكتي من البدايه لو فرضتي رايج احتمال ما يكون هذا حالج
الله يصبرج اختي
لاحول ولا قوة الا بالله العلي العظيم
اسال الله العظيم ان يفرج همج اختي الكريمه
اختي مبين من كلامج انج مسكينه وعلى نياتج
حبيبتي لازم تقوين شخصيتج ماينفع هاللي تسوينه !
سبحان الله يعني انواع الاهانات من الاهل عيل شو خلو حق اللي برع !!!
نصيحتي لج وقفي في ويههم ولو توصل بعد للمحاكم وصليها
انتي ناويه تكلمين عمرج جي تشتغلين لهم؟
انتي بعد من حقج تعرسين وتعيشين حياتج مثلهم
شوفي اي حد من اقاربج تواصلي ويا حد ممكن يفيدج
بس اياج واياج واياج ترضخين لهم لانهم جي بيستغلونج اكثر واكثر
ولا تنسين ياقلبي انج تصلين وتدعين الله انه ينصرج عاللي ظلموج
" اللهم اني مغلوب فانتصر "
الله يردلج حقج والله قلبي حرقني عليج معقوله اللي من لحمي ودمي جي يسوون
حسبي الله ونعم الوكيل على كل ظالم وظالمه ،،
لا حول ولا قوة الا بالله العلي العظيم الله يكون في عونج اختي الغالية صبري نفسج ولو وصلت للإهانة ردي عليهم ولا تسكتين هذا حقج وانتي مب خدامة عند حد انتي ست البنات كلهن لا ترضخي لهم ووكلي امرج لله هو الوحيد القادر والي شايف حالج وياهم وكلي امرج له وادعي في صلاتج انه ربي يكون وياج ربي يرزقج ولد الحلال الي يعوضج ويسعدج حبيبتي
الله يوفقج ويفرج همج غاليتي والله يهدي اهلج ان شاءالله
ويعوضج خير