حد راح جزيرة الولو في ابوظبي؟؟
ممله صح بس تغيير الواحد يمل من كثر مايروح فنادق الحلو فيها انج اتسيرين على يخت المده تقريبا 5 دقايق مكان واحد حلو فيها اللي هو النهر اللي يطلع من الصخر المنظر وايد حلو انا عجبني بصراحه
اذا انتي تحبين رحلات البر والبحر هذا المكان المناسب. بعطيج موجز قصير كيف تبدا الرحلة الى جزيرة لولو وشو ممكن تشوفين فيها.
اولا بتركبون سفينه من كاسر وبتحرك القارب بعد اكتمال العدد تقريبا 15 شخص في القارب. وبعدين بيمشي القارب فيكم الى الجزيرة يعني اقل من 5دقايق وبشوفين الناس يلعبون على الكورنيش والشاطي وشباب يلعبون بالدرجات المائية.
بتوصلون وهناك مكان تشترين منها تذاكر تدفعين 10 للدخول و5 للقيطار اذا تركبين القطار وفي باصات مكيفه اذا تبين. القطار مكشوف ويدوربج على الجزيرة حلو جو ثاني وبعدين يوقلج في المكان اللي تبينه. الباص نفس الشي يدور ويوقفج في المكان اللي تبينه ويرد ياخذ متى خلصتي خذي رقمه.
الجزيرة فيها دور ما دور الجزيرة مظلات وكراسي وطاولات وبين كل مظله ومظله مسافه بعيده. وفي وسط الجزيرة في بحيرة للسباحه وحذها مظلات وكراسي وحمامات ونقيان. وفي بحيره ثانيه في نفس المنطقة للقوارب رووعه منظر الطيور فيها. في حصان وناقة وحنتور. في مطعم يوصل للمكان الي انتي يالسه فيه او ممكن تاكلين عندهم في جلسات داخليه وخارجيه بس المطعم مش 5 نجوم. عادي.
انا اشوفه حلوه للرايحين شله وناسه ركبت القطار والقوارب والحنتور وبعدين تقدرون تقعدون على البحر او تسبحون. صح حر بس البحر حلاته في الصيف.