عساكم بخير وعافية
الموضوع منقوووول بس للترفيه
الي ماشافو ازواجهم خبرونا عن ليلة الدخلة لما روحتي الفندق وشفتيه شو كان شعورك؟؟
وحدة تقول….
انا ماشفت زوجي الا واحنا جالسين علي السرير من صغر الغرفة خخخخخ لا ويوم نزل الغترة طلع شعره كله علي جنب وانا بنص عين اطالع فيه واقول ياربي شكله كأنه هندي خخخخخخ
والمراية كانت خلفي وهو يسولف وانا كل همي احاول اشوف التسريحة الف راسي واطل بنص عين بس المصيبة انه انفجع حسبني حوله وعيوني فيها شئ خخخخخخخخخخ
والثانية…..
الله يذكركم بالخير ذكرتوني
انا تزوجت وزوجي ماشفته ولا اعرف شكله حتى ولا ملكه مع انه كانت فيه شوفه شرعيه بس تعرفون البنت تدخل وهي مدنقه راسها وماتشوفه
دخل عندي بالغرفه قبل مانسافر وهو ساكت وانا ساكته وبيني وبينكم ماكنت خايفه لأنه هو طبعه خجول فارتحت يوم شفته كذا
واول كلمه اذكره قالها ( يازين مشيتك يوم الشوفه الشرعيه كنك الرجل الآلي خخخخخخ < الأخ يبي يستخف دمه يقاله الحين يمون
ابتسمت من غير نفس ومسك يدي وابوي واخوني واعمامي وحريمهم واخواتي والشعب كله يسلم ويودع والحريم يزغرطون والبنات كلهم يبكون
وفي السياره يبي يقولي مبروك قالي مربوك خخخخخخخخخخ عاد هنا ضحكت وهو استحى وكلامه بالسياره قليييل وانا كلامي اكثر منه اذكراني ملييييت
يوم وصلنا للفندق وغسلت مكياجي وعلومي وتروشت وبدلت ملابسي واستشورت شعري وحطيت مكياج خفيف ودخلت عنده وهو شبه نايم لأني جلست اربع ساعات امسح مكياج عرسي حشا قناع
يوم شافني فنق عيونه يقول والله الحين يوم شفتك كني شايف الجنه وربي ماانسى هالجمله كانت احلى واروع شي قاله من هذاك اليوم الى الآن
لأن مكياج العرس مااعجبه ويوم طلعتله بمكياج خفيييف اعجبه شكلي رجاال أذوااق مدري كيف جايه
المهم ذاك الصبح وانا ميته من الجوع وجاب الفطور واقسم بالله هو اللي مستحي وماياكل الا كم لقمه وانا انبطحت فوق الصحون خخخخ لأن اليوم اللي قبله من الشغله والخوف مااكلت شي
بعد الفطور انبسطنا مرررره مع بعض سوالف وضحك ومسخره اللي يشوفنا يقول لهم شهور مع بعض
والحمدلله مرت هذيك الليله على خير
والثالثة تقووووول……
صراحة ايام حلوة لاتنسى….انا لما قالي بدلي ملابسك وسكر الباب جلست ابكي من الخوف فلما حس اني تاخرت طق الباب ودخل وقالي وش فيك تبكين قلت مافي شي قام ظحك وقال ترى مافي شي الليلة بعدها انبسطت وغيرت لاوشوي وارقص من الفرحة
بنات خبرونا عن مواقفكم
الله بسعدكم مع ازواجكم والبنوتة يرزقها ابن الحلال
اميييييييييييييييييييييييييييييين
مواقف حلوه
مواقف والله ماتنسي وتخوف في نفس الوقت هههههه وتم في الذاكره
انا بعد ريلي ماشفته ع ايامنا لاشوفه شرعيه ولاهم يحزنون بس تبون الصدق انا اشوفه بدس اوايق بدريشه يووم ايينا هو وامه زياره هههههه
بس هو عمره ماشاافني
المهم اول مره يشوفني كان صبح ثالث يووم العرس واول كان العرس 3 ايام اييون الضويه يووم لاربعاا والعرس ويووم الخميس
ويوم الجمعه الصبح يدخل المعرس يشوف العروس عااد هو فيها رقااد ولا تبطل عيونها تشوف المعرس ههههه
المهم يوم الصبح يتني اختي وعدلتني وقالت المعرس بيدخل الحين ولا اشوف حرمة اخوي الله يرحمها وعمته تقرب لي بنت عمي
يندسون قرب الباب حتى يتسمعون ههههه انا سكت ومعروفاات هذيل وسوالفهن هههه
المهم انا كنت وايد استحي وحطت اختي تكيه عدالي حتى ييلس هو عندي اول ماطلعت اختي انقز وشل التكيه ووديها في الزاويه الثانيه حتى ماييلس عندي هههههه
المهم دخل وسلم ولا رديت صابتني رعشه وخوف ماينوصف والله مادري شوو صار فيني المهم اول ماشاف التكيه مودايه بعيد عيونه تناقزت برع هههه وياني ويلس عدالي بدون تكيه ههههه وحط ايده ع راسي وانا انقز هذيج النقزه يقولي هدي شوو فيج هههههه
هذيج الحزه بصيح ولا بضحك ماعرفت بس الخوف اكثر مسيطر والله
ويلس عندي ساعه او اكثر يطالعني وانا منزله راسي في الارض يقول شوو فيج ارفعي راسج لاحول هههههههه
وانا ماقول ولاحرف وميوده الصيحه وقول في خاطري متى بتطلع مليت افففف هههه
دقت عمته وحرمة اخوي اللي يتسمعون الباب وقالو له اطلع بنسير ويتني امي تقول ليش طول هالكثر شوو سوى وانا ع نياتي والله قلت لها يالس ماعرف شوو يقصدون والله كانت برائه هذيج الايام المهم طلعنا ويو بيركبوني السياره حتى نطلع من بيت ابوي لبيت اهل ريلي منو قال اني بطلع تميت اصيح مابا اسير وهم يحاولون معاي وانا اصيح بعد محاولات سارت معاي حرمة اخوي وعمته واختي العوده وودوني بيتهم وهنااك سوالف استوت ههههههههههه معانات 6 شهور لا اكل مثل الناس ولا ارقد عدل جنى في حرب كله صياح ابغي اهلي وان سرت زياره بالغصب ارد معاه لين ابوي الله يرحمه يدخل وحصل هذيج الهزيه وسير وانا دمعتي ع خدي ههههههههههه
وهذي سالفتي ههههههههههههه
عليكم سووالف
انا تزوجت بسنة 2001
وماشفت ريلي قبل العرس الا بصوره يابتها اخته وهو بعد ماشافني الا عالوصف المهم يوم العرس سرنا الفندق وغيرنا ملابسنا وجي ويلسنا نسولف وهو لابس القحفيه وانا تميت اتساءل يربي ليش عق الغتره وغير ملابسه الا هالقحفيه لا شو السبب وهو كان يسولف سوالف جد اونه يخبرني عن طبعه وما ادري شو وانا نسيت رهبة الليله وكل خوفي وصياحي وكانت همي القحفيه اخر شي ما استحملت ومديت يدي وشلتها (لقااااافه انتي عروس ارتزي شوي واثقلي) المهم والا طلعتلي ذيك المفاجأه الصلعه عاد انا تفاجأت بطلت حلجي وقلت هيييييييييييييي اصللللععععع وتميت متفاجأه وهو ويهة استوا احمممممررررررررررر المسكين ثاريه متفشل من صلعيته الصغيره وما يباني اشوفها وليومنا هذا يقولي انا كنت ابا اقولج عنها بس بالتدريج ما احسبج ملقوفه خخخخخخخخخ
يقول المثل لي ضامك الضيم تذكر ايام عرسك
فيتامنين سي والله نحن على نياتنابنات هاليومين يختي عااادي عندهن يتصورن ويتضحكن ما يرتهبن ويخافن شراتنا انا تندمت على الخوف والدموع وانخفاض الضغط الي كان اييني بايام عرسي ويوم اشوف هالبنات اليوم فرحانات وعااادي اقول يليتني كنت جي بس يالله كل شي حلو والرهبه بعد حلوه
ربي يوفقكم ان شآءالله ..,,