أنا هالسنة تخرجت من الثنوية العامة – القسم العلمي ..
والحمدلله نسبتي عالية .. وأفكر أنقل أوراقي من كلية التقنية في دبي لجامعة الإمارات العربية المتحدة – العين ..
وصراحة هالموضوع وايد متعبني ..
أنا أفكر أدرس طب والحمدلله أحب الأحياء وايد وأحس إني إن شاء الله ببدع في هالمجال ..
بس السكن وايد مخوفني وخاصة موضوع البعد عن الأهل ..
فبغيت أسأل بنات السكن كم سؤال ..
هل يوفر السكن غرف فردية مقابل مبلغ معين وإلا لازم تكون الغرفة مشتركة ؟
وفي حالة إذا مافي غرف فردية .. هل في أماكن في الجامعة للمذاكرة ؟ لأني ما عرف أذاكر جدام حد ..
وهل المبايلات مسموحة داخل السكن ؟
وعندي بعد كم سؤال لطالبات كلية الطب ..
في السنة الأولى .. ( أقصد السنة الأولى لدخولنا الجامعة عشان ندرس طب ) هل يكون في فاونديشن
خاص بالطب .. يعني أول شي يعلمونا ال vocabulary الخاص بالطب ونبدأ بالاساسيات ؟
وإلا على طوول نبدا بالدراسة ؟
وإنشالله عقب ما ناخذ شهادة البكالريوس .. كم سنة يحتاج منا التخصص وهل لازم نسافر للخارج عشان نتخصص ؟
أتمنى انكم تفيدوني لأن هالموضوع صدق متعبني والله يوفقني ويوفق كل الي محتارين مثلي ..
للرفع
هل يوفر السكن غرف فردية مقابل مبلغ معين وإلا لازم تكون الغرفة مشتركة ؟
في السكن اليديد كل بنت في غرفة بروحها ،، اما الحمام مشترك بينج وبين البنت الي بتكون عدال غرفتج .. يعني اختاري ربيعتج تكون معاج عشان ترتاحين .. اما مقام 3 وتوام و 2 فـ الغرفة لازم تكون مشتركة .. بس اتوقع بما انج دفعه يديدة على طول بتروحين السكن اليديد ..
وفي حالة إذا مافي غرف فردية .. هل في أماكن في الجامعة للمذاكرة ؟ لأني ما عرف أذاكر جدام حد ..
في السكن اليديد مافي قاعات دراسية لان كل بنت في غرفتها .. نفس الشي السكنات الثانية .. السكن الوحيد الي فيه قاعات دراسية هو مقام 3 ..
وهل المبايلات مسموحة داخل السكن ؟
نعم مسموحة ولكن الي بدون كاميرا .. حتى الاب توب بدون كاميرا .. عليه فصل كورس ..
اما الاسألة الباقية ماعرف لاني مب طالبة طب والله يوفقج
لاتحاتين
بجاوبج بعد كم شاعة
مسطلة
خخخخخخ
والموبايلات مسموحه..
اما عن سوالف الطب مب مجالي..
ربي يوفقج ومبروك عليج التخرج وعقبال التخرج من الجامعه,,