شحالكم حبيباتي وخواتي ؟..
بدخل في الموضوع
انا بنتي توها داشه الخمس شهور ( ربي يحفظها )
واول بنت وبجري ولد الموضوع ان ريلي وايد متردد اني اثقب اذنها
مع ان بنات العيله وربيعاتي ثاقبين اذون بناتهم من الرابع وفي السادس والخامس
هو يقول بتمرض ومادري شو ومن فتره سامع عن الاخطاء اللي يرتكبونها في العيادات والصيدليات
وانا بصراحه ماعندي خلفيه اللي اعرفه ان بس تكه وعوار دقايق والحمدالله طمنوني …
انا من متى احن عليه من دشت الرابع الله يسامحه ابى اعرف منكم سواء بالرابع او الخامس شو طبيعة العوار ؟
اختكم :
ام علاوي
انا بنتي ثقبتها وهي توها داشة الثالث عشان الياهل يوم صغير مايتحكم بيدينه مايعرف يمسك احين يوم كبرت بتودينها احين تعرف تمسك اذونها عادي اتمطها بس ان شاءلله لا
بالنسبة للعوار ببنتي صاحت اول ماثقبوها ووتمت شوي تصيح وعفب خلاص ستت وخذي مرهم مطهر عشان الجراثيم الدكتور بيوصفه لج
بس نصيحة سيري باسرع وقت وثقبيها لان كل ماتاخرتي كل ماشحمة الاذن تكبر وتمن وعقب بيعورها اكثر دامها طرية للحين
انا بنوتي فديتها ماخليتهم يحطون لها مخدر لأني مجربة فبناتي قبل يعني شكة وخلاص بتصيح شوي وبتسكت
وديها وتوكلي على الله ترا يوم ماتفتهم احسن لها
لا تخافين و لا تحاتين ما بيستوي لها شي إن شاء الله ….
و كل ما كبرت شحمه الاذن كل ما زاد الالم …
انا بنتي ثقبنالها اذنها في عمر شهرين وبدون ثقب الاذن النااس بيحتارون فيها بنت ولا صبي
اتوكلوا على اللهـ واثقبولها يمكن ابوها خايف لانها اول بنت لهـ وخلاف بيتعود
ربي يحفظها ويخليها لكم ان شاء اللهـ