اليوم رديت من المنتجع و رحلتنا كانت أكثر من روووووووووووووعـــــــــة …
المنتجع عبارة عن محميــــة طبيعية للمها و غزلان الريــــم ،،، ويبعد عن دبي 45 دقيقة تقريبا على طريق العيـــن …
المنتجع تابع لمجموعـــة طيـــران الإمـــارات ، وديكوره تراثي وكل سويت عبارة عن فيــــلا لها حوض سباحة خاص ،،، والمنتجع ما يسمح بدخول الأطفال تحت سن ال 13 سنـــة …
اول ما توصلون للمنتجع وتدخلون بوابة المحميـــة لازم توقفون السيــــارة في مواقف خاصة وتكون في سيــارة تنتظركم عشان توصلكم اللوبي ،، المسافة بين المواقف و اللوبي تقريبا 10 كلم …
طبعا أو ل ما وصلنــــا سوينا الجك ان وبعدين ركبونا مع أغراضنا في سيــارة غولف و وصلونا للفيــــلا ،،، الفيــــلا اللي حصلنــاها كانت رقم 39 ،،، والحمد لله معزولة عدل و مرتفعة والمنظر كان من الحوض عجيـــــــــــــــــــــــــــب …
في كم فيلا قريبــات من اللوبي مرينا عليهم بس مكشوفات عدل ،،،، لدرجة واحنـــا طايفين بسيـارة الغولف جفنا الأجانب مسدحين على الكراسي اللي عند الحوض …
في المنتجع مطعم واحد فقط يكون فيه بوفيه الوجبات ويوفر المنيو اللي في الفيــــلا ،،، وهذا اكبر عيب للمنتجع لأنه أكلهم اللي في المنيو وااااااااايد محدود وكان أقل عن العادي ،،، والأسعارغالية وابدا ما تسوى مستوى الأكل ..
الجو هاليومين كان الصراحة روووووووعة جو رحلات ،،، بس صــار وااااااااايد بارد بعد المغرب لدرجة نمنا بدون مكيف و خلينا باب السويت اللي جهة الحوض مفتوح …
والحوض معزول بالزرع من الأطراف ،،، ومن الواجهة بالعريش بس بعض الفلل ما كانت مغطاة عدل يعني لو حد يطوف جريب من الفيلا ويطل ممكن يكشف ،،، واللي يحب يتأكد دايما يطلب من أول ما يحجز الفلل المعزولة عدل ويأكد عليهم قبل بيومين …
وأهم شي حجم الحوض معقول ،،، يعني تقدرين تتسبحيـــن براحتج لأنه مب ضيج واللي تحب تتشمــس تقدر بعد ،،، يعني أكبر من حوض فندق بانيان تري اللي في رأس الخيمة وأستر ،، لأنه مصمم بطريقة معزولة ومغطاية مو مثل بانيان تري اللي لازم تطلبين انه يتغطى …
واحلى شي يوم تمر المهـــــا عند الحوض و ساعات تشرب من ماي الحوض والطيور ،،، يعني الجو روووعة ولأنه الفيلا اللي حصلناها كانت مرتفعة فكان المنظر وايد حلو ..
الفيلا لها مدخل وفي المدخل بانتري صغير فيه صخان ماي و مكينة نسبرسو للقهوة ،،، النسبرسو عجيـــــب يعني يطلع لج الكوفي مثل مال الكافيهات وفي العلبة 6 أنواع كوفي على كيف كيفج …
ويحطون لكــــم ماي و ام & امز وتمور وحلاوة كلها ببلاش ،،، بس أنا أنصح الوحدة تشل معاها شوية أكل احتياطا …
وداخل الفيلا مقسمة لسويت فيه سرير النوم وكرسيين كبار وطاولة ،،، السويت حلو ومثل ما قلت ديكوره تراثي ،، وفيه تلفزيون بس القنوات محدودة …
والقسم الثاني اهو الحمـــام ،، واللي كان كبير فيه بانيــــو وسيــــــــــــــع وشاور كبير + غرفة الحمام تكرمون والمغاسل …
في النهاية ،،، اقول انه الرحلة كانت من أحلى الرحلات اللي سرتها والمنتجع واااااااااااااااااااااااااااااايــــــد حلو للي يحبون يغيرون جو بس مشكلته مثل ما ذكرت هي الأكل و أسعاره أغلى شوي من الأما كن الثانية بس أحســـه يسوى …..
وبالنسبــة للأسعار ،،، أنا طلعت لي الرحلة كلها ب 3300 مع الضرايب و العشـــا و الريوق (الريوق كان مع سعر الغرفة) ،، حجزي كان عن طريق موقع بوكينج ،،، واللي أعرفة انه السعر العادي يكون من 4000 وفوق بس عشان أنا خذت أوفر من الموقع طلع أرخص …
و اللي عندها أي سؤال ،،، تتفضل …..
كان الأفضل لو عندك صور تضيفية للتقرير
سؤال هل تجدي المكان موا ممل ؟؟؟؟ بمقارنة عن الفنادق الخمس نجوم ووسط المدينة ؟؟؟؟
اتصور كون المبلغ كبير ما كان الأفضل برج العرب أو قصر الأمارات وأتلانتس على الأقل فيهم فعاليات ووناسة
خبرينا عن رآيك أذا ممكن ؟
وطبعا منظر الحدب والأريام والصفارد يوفر لج كل الهدوء اللي في الدنيا ..
الحمدلله انج استانستي الغالية
بس هذا ما يمنع انج تحطين لنا كمن صورة من تصويرج الشخصي
استغفرالله وأتوب إليك
استغفرالله وأتوب إليك
المشاركة الأصلية كتبت بواسطة الأحلام الملونة 
كان الأفضل لو عندك صور تضيفية للتقرير
سؤال هل تجدي المكان موا ممل ؟؟؟؟ بمقارنة عن الفنادق الخمس نجوم ووسط المدينة ؟؟؟؟
اتصور كون المبلغ كبير ما كان الأفضل برج العرب أو قصر الأمارات وأتلانتس على الأقل فيهم فعاليات ووناسة
خبرينا عن رآيك أذا ممكن ؟
المكان حلو اذا حابين الهدوء والأجواء الرومانسيه اكثر من الفنادق الي موجوده في المدينة ،،
ونتمنى لو في صور للمنتجع