شخباركم عسولات؟ عساكم بخير ^_^
البارحة كان عندنا جولة ف دبي
و عقب الجولة.. ردينا البيت و تجهزنا عسب نسير مطعم الليوان
الوالدة الله يحفظها كانت سايرة ويا مدرساتها
و واااايد تخبلت عليه و ع الأكل هناك مع إنه ذوقها صعب ف الأكل
فقررنا نسير و كان تقريبا عقب صلاة المغرب بشوي
العدد كان 5 أشخاص.. أخويه و نسيبي و أنا و خواتي الهنتين
موعد الانطلاق:
يوم وصلنا:
المكان أكثر من روعة.. و خاصه فليل مع الإضاءة ^_^
محبين التصوير لازم يسيرون هناك
أول ما دشينا فندق القصر:
تخبلنا ع النافورة اللي فيها ورد ^_^
قبل ما ندش المطعم:
هني أول ما دشينا:
بتحصلون طاولات وااايد داخل و برع ^_^
نحن قررنا نيلس برع بما إنه الجو حلو و بارد
و المنظر و لا أروع
هاي طاولتنا: ^_^
الجو العام للمطعم:
هاي عصايرنا:
كلهم طلبوا عصير ليمون مع نعناع إلا أنا طلبت أناناس
و عصيرهم الصراحة لا يعلى عليه
وايد حلو و وايد خفيف ^_^
باقي الصور كلها من الآي فون فمب لين هناك ^_^
المهم هذا هو البوفيه مالهم.. مع إنه صغير بس وايد فيه أشيا
أنا خذتلي الباستا مع المشروم + خبر صغار وايد حلو.. ماعرف شو اسمه
+ بعد كم شي.. الصراحة نسيت.. هههه بس كل شي حلو عندهم
هذا قسم الخبز:
قسم المقبلات:
قسم اللحوم + السمج:
أي شي تبينه.. تخبرينهم و بيقطعونلج منه كثر ما تبين
اختي خذت من عندهم ستيك و قالت إنه حلو
أنا بشكل عام أحب البحريات شرات الروبيان و غيره
بس هالمرة غيرت و خذت باستا
قسم السوشي:
قسم الباستا:
قسم الأجبان:
قسم الفوالة:
قسم الحلويات و عندهم آيس كريم بعد: *شي بعد عندهم فوندو و اشيا ثانية* بس ماعرف وين سارت الصور
تقييمي الشخصي: 5/5 من كل النواحي
و طلع علينا ب 1000 و شوي بس يستاهل ع الأكل الحلو و الخدمة و المنظر ^^
ريلي عزمني على العشا فيه أول ما فتح
ويوم وداني كان أصلا ما شي شوارع تؤدي للفندق
وداني مكان ظلااااااااااااااااااااااام
والدروب كلهااااااااااااا رمل
ويقول لي بيوديتي مكان خيال !!!!
وأنا أقوله لا تكون خاطفني وبتوديني ورا الشمس 
الحين من بعد هالغبار وين بعد شي فندق خيال ؟!!!
لكن يوم وصلت يلست مذهولة من روعة المكان !!!
عجبني جو المطعم وااايد وااايد لدرجة اني ما كنت أبغي أروح
لكن هاذيج الأيام ما يتني فكرةأصوره عشان المنتدى 
لكن انتي قمتي بالواجب وزيادة
و عقبال ما تسيرون مكان ثاني و تعطينا تقريرج
ماشاء الله التقرير حلو ونتريا باجي تقاريرج ___^