السلام عليكم خواتي
اولاً اشكر البنات اللي ردن على موضوعي القبلي و شجعوني بكلامهم الطيب
و حبيت احط صور تغليف هديه ثانيه
بس ابسط عن الهديه القبليه و المجهود المبذول فيها كان اقل (^^)
الهديه قدمتها لوحده من اهل ريلي يابت ولد عمره الحين 6 شهور – الله يحفظه ان شاء الله –
بس ما كنت مجهزه عمري و الولاده يت مفاجأه فإضطريت استخدم اللي موجوده عندي و بسرعه
و طلعت بهالتغليف البسيط
الهديه كانت عباره عن::
4 لبسات + ذلاقات و قفازات على شكل بطه + لحاف +فوطه على شكل بطه + مرضعه + لعبه + فوانيل و صدريات+ تاغ على شكل ولد و ينكتب عليه اسم البيبي و معلق عليه شريط قياس طول الطفل
البطاقه من تهاني الخليج
شريط قياس الطفل هذا خذته من دايسو حسيت به وايد كيووووت
اتمنى اسمع رايكم و تعليقاتكم
و تشجيعكم بعد (^^)
موفقه الغـــــــــلا
شكرا اختي عذاب
عيبني ماشاء الله ربي يوفقج
ما شاء الله واااااااااااااااااو
ربي يوفقج ان شاء الله
لا تحرمينا من هالابدااااع
ماشاء الله أمورة فديج إبداااااااااااع
كل مرة تتحفينا يشي راااااااائع
انتظريني بعد بضبط هدية أنا بعد ..!!!
بس عقب ما تخبريني من وين تييبين اغراااض التغليف
وااااااااااااااااااااااو