اللي تبى شعرها…يكثف و يطول و يوقف تساقط…..و تلاحظ الفرق
من اول مره…تجرب هالخلطه…و تدعليلي…
..لانها من جد خلطه وااايد
حلوه و غيرت شعري خلال شهر!!…انا عمري ما طول شعري عن اخر ظهري
بس الحين ما شالله _ قولوا ما شالله_ طول و صار غليظ…ادري طولت عليكم
يالله نبدا…هاتي ورقة و قلم و كتبي..
المقادير..
حنا
ملعقة طعام دهان شعر (اللي تستعملينه)
ملعقة طعام جاي
ملعقة طعام قهوه ( لا تستغربون)
نصف كيس املا بودر ( وااايد مفيد لفروة الراس يعتبر دوا التساقط)
ماي للعجن….تخلطين المقادير زين ما زين و تحطين الخلطة فالثلاجة
12 ساعة..و بالباجر تحطين عليها نص علبة روب و بيضة و قطرات
لومي….و حطي الخلطة على راسج من 3-5 ساعات….
و بتشوفين الفرق من اول مره….الروب يعطي لمعه…و الاملا بودر
واااايد مفيد للشعر….حتى الفلبينية يوم حطت الحنا على شعري
روحت ريحته وسئلتني فيه املا ؟؟ قلتلها هيه …قالت هذا وااايد زين
للشعر….ما يخليه يبيض…و يقوي بصيلات الشعر…
عاد انا استانست…و دعيت للهندية اللي عطتني الخلطة – يوم كنت مسافره
الهند…..و سويتها تبون الحق ما خذتلي من هالاملا وااايد…لكن بدبرلي لازم
عشان استمر على الخلطه…اللي المفروض استخدمها اسبوعيا…و بعدين
شهرياً….ادعولي يا خوات…., جربوا نصيحة من اختكم..و لا راح تندمون..
بيطول شعركم…و بيغلظ..ان شالله..
بجرب الحين خلطتج بس مافهمت شو تقصدين
ملعقة طعام دهان شعر
ملعقة طعام جاي
ماي للعجن قصدج نحط ماي ونعجن هالخلطات ممكن تفهميني شوي حبه حبه مره 2 اذا تكرمتي ..
ومشكورة عالنصيحه
ددابر املا اللي هو الزيت…بس يكون بودره سمعت عنه في الهند….و بصراحه روووعه…
———————————
االغاوية22 جربيها و ما راح تندمين….ملعقة طعام …يعني خاقوشة الاكل اللي ناكل فيها..الجاي…اللي هو ( الشاهي)
على قولة بعض اخوانا الخليجيين..تحطين خاشوقة جاهي + خاشوقة زيت اللي تزيتين فيه شعرج مثلا برشوت
و الماي عشان تعينين الحنا به…مع كل المقادير…واي سؤال انا حاضره….و اللي تعرف مكان يبيع املا بودر تخبرنا
انا ممكن ادبر من الهند (اخويه يدرس هناك) بس بعده باطي شوي…
تسلمين
شي محل هنيه عنده