استخدمته اسبوع وخلال هالاسبوع تحس ويهها حار وفي نفس الوقت تتغير الطبقه الخارجيه للبشره
(بالأصح تحترق وتكشف الطبقه الي عقبها ) وطبعا الطبقه اليديدة حمرا وحساسه حتى يوم تغسل ويهها
يحرقها!! تقول حتى إذا نقطة عرق يت ويهي تحرق
تقول يمكن الكريم قشر ويهي بشكل قوي لذلك لازم استخدم المرطب الخاص فيه بشكل مكثف
المسكينه تمت اسبوع وهي مستانسه تتحسب بداية العلاج ، وخدودها حمرا مب وردية
ومستحمله الحرقه الي تحسها في بشرتها تتريا النتايج بعد اسبوع عالأقل
في اليوم السابع كانت تعبانه ونامت قبل ما تحط
نشت الصبح حصلت ويهها مظلم وكله تجاعيد (تقرفط !! ) وخطوط !!
عنبو يوم واحد ودرته وجي استوا .. وركض على عيادة الجلدية وطبعاً الدكتورة تمصخرت عالمنتج وقالت مب اي شي تجربونه في ويوهكم ، الويه واجهه مب حقل تجارب
الكريم ماقدر اقول اسمه عشان مانحرج التاجره
الكريم صيني وفي منه علبتين ، يستخدم مساء الي لونه اصفر والأبيض صباحاً
اللهم اني بلغت اللهم فاشهد
من جيه انا اخاف استعمل هالكريمات ..
احب اوضح ان الاخت ماعرفت تستخدمه ان عمتي مسوي وماشاء الله فتح بشرته شوي
لكن يوم سارت عند الشمس شوف البقع السوده لانها بشرة رقيقه وجديده وشكرا وكل وحده تنتبه
دام انه شي يضر وانتي متاكده حطي الاسم واسم اللي باعته هذا خير للناس وتحذير لهم لان صحة الناس هب لعبه
الله يعينها والسموحه
المفروض يا بنات ويا أمهات .. لا تخلون الويه والبشره حقل تجارب لكريمات ومواد وكيماويات مجهولة الصنع وخاصه اللي يروجونها في البيوت ..
لأنه اول شئ انتو ماتعرفون هالكريم من شو يتكون وشو فوائده وشو مضاره .. تعرفون انه يبيض وبس .. وماتسألون نفسكم انه هالماده اللي تبيض شو هي بالضبط ؟؟
تعرفون هالكريمات اللي تقولون عنها من شو تتكون ؟؟؟؟
الله يسلمكم ويسلمنا ويسلم المسلمين من كل شر.. فيها نسبه عااااااااااااااليه جدا من الزئبق .. وبالعاده الكريمات المضمونه والصحيه .. فيها نسبه قليله جدا من هالزئبق ماتزيد عن 3 مايكروجرام ( مسموح فيها فقط )
لكن هالكريمات وخاصه اللي يستخدمنها الاسيويات .. شرات هالمعروف عنها في المحلات .. قاموا الحريم يخلطون ويدورون نفس تركيبة هالكريمات وخاصه اللي فيها نسبه عاليه من الزئبق ويخلطونها .. لين تصير قويه ومحتواها من الزئبق عالي ومرتفع جدا جدا فوق ما تتخيلن .. من 5000 الى 16000 مايكروجرام فوق النسبه المسموح بها .. وخلوها عباره عن خلطه تبيض وباعوها …
وركضوا لها يشترونها والله ثم والله حتى الشباب قاموا يستخدمونها وانتشر بطريقه غير طبيعيه .. اونه شئ عجييييييب
وطبعا مايدرون انه هالماده مفعولها مضر جدا.. لأنه البشره طبيعي جدا تمتصه وبالتالي الزئبق يدخل للجسم ويسبب امراض خطيره جدا جدا .. وأول أعراض الاصابه بمرض الزئبق عافانا الله اجمعين الصداع والغثيان وفشل الكلى وفشل وظائف الكبد وسرطانات الجلد..وغيره وغيره .. وهذه كلها دراسات اثبتت هذا الشئ واللي تبا تتأكد من صحة كلامي ادور وتشوف وتودي الكريم يحللونه ويشوفون شو مكوناته..
وانا ما تأكدت وماعرفت الا يوم شفته بعيني وشميت ريحته .. وأكتشفت انه اختي الصغيره تستخدمه من عند ربيعتها .. وانا شليته ومنعتها منه وفريته الزباله .. اعوذ بالله حتى لونه مو طبيعي ومزبد وريحته كريهه متكتل ومسوي دهن ..
وحتى المفعول اللي يقولون عليه يبيض وغيره خرطي.. مهمته يحـــــــــــــرق الويــــــه أونه يبيضه بياض مو طبيعي أعوذ بالله كأنه مرض البهاق.. حتى لو تلاحظون اللي يستخدمنه لون الويه غيييييييييييير ولون الرقبه غييير ولون اليد غييير.. عاد تعالي للويه لونه مو طبيعي جدا .. تقولين مدهنه عمرها بطحين .. متلونه البنت ..
والمشكله وين .. لما تتعود عليه البنت وتيي فجأه تقطعه تشوف النتيجه .. وتتحملها .. والله بتكره عمرها وبتندم على الساعه اللي فكرت تشتري فيها هالكريم ..
لكن يقولون اذا فات الفوووت ماينفع الصوت .. ولا تعض اصابع الندم .. لأنها هي اللي يابت لعمرها ..
يابنات اهتموا بنفسكم لكن مب بالدرجه اللي تخليكم تضرون أنفسكم وتخربون جمالكم الرباني ..
الله لا يبلانا ..