انا حاليا في اواخر شهري السابع .. وعندي مشكلة الصداع اللي ما لقيت له حل .. لدرجة ان دكتورتي حولتني على دكتور اعصاب يفحصني ! ولكن التشخيص كان عادي جدا لا فحص ولا اي شي .ز مجرد اسئلة ورديت عليها !
حسب ماقال الدكتور فيه حوامل يصيبهم شقيقة او صداع نصفي مع الحمل وهالشي وارد والعلاج كان بندول حبتين كل 4 ساعات !
البندول فادني احيانا واحيانا لاا بس مشكلتي ان الصداع اصحى وانام وانا مصدعة وعندي بنتي الصغيرة محتاجة مني رعاية واهتمام بداخلي شعور اني قصرت فيها كثير من ناحية الاهتمام صرت عصبية واتأثر بسرعة اصرخ بوجههها 
غصب عني يا ناس ! والله غصب عني
وهي ترفسني في بطني وتبغيني اشيلها والاعبها طول الوقت .. بس مافيني حيل اشل نفسي مرات
. اكيد طبيعة الحامل تتغير ووتتأثر بس انا سبب الصداع زاد التوتر فيني والارق
تعبت نفسيا كثير لان بنتي محتاجتني وانا مب قادرة اعطيها الاهتمام الكافي سبب الي امر فيه
مجرد اني اسبحها والبسها واكلها هذا بحد نظري مش اهتمام كافي .. يمكن عندي تأنيب الضمير زاااايد عن اللزوم او صرت حساسة كثير
الي مرت بحالة شبيهة تخبرني كيف تغلبت على هالمشكلة
والي ما حملت اسال الله العظيم رب العرش العظيم ان يرزقها بدل الطفل 3 يارب ياكريم .. ياقادر على كل شي
ادعو لي ياخواتي بظهر الغيب ..
ما عندي اي مشاكل في الامساك .. لكن هالصداع ياختي لدرجة اني ما ااتحمل اسمع اي صوت او اشوف اي ضوء
والله يهون عليج
قصرت فيها كثير من ناحية الاهتمام صرت عصبية واتأثر بسرعة اصرخ بوجههها غصب عني يا ناس ! والله غصب عني
وهي ترفسني في بطني وتبغيني اشيلها والاعبها طول الوقت .. بس مافيني حيل اشل نفسي مرات
. اكيد طبيعة الحامل تتغير ووتتأثر بس انا سبب الصداع زاد التوتر فيني والارق
انا حاسه فيج سبب توترج يمكن الجهد والتعب هذا ااول سبب
السبب الثاني
يوم تنام بنتج نامي عطول مادام ماعندج شيء
لانج تحتاجين راحة .. وبعد شهرين بيكون الجهد جهدين ولازم طاقتج تكون مضاعفه لان بجابلين 2..
لازم تفكرين بايجابيه ..
الشيء الثالث فاعتقادي .. ويمكن يكون صح او غلط
انتي حاكره نفسج فوسط ناس وحابسه نفسج ماتطلعين ولاتغيرين جوو وهالشيء مأثر عنفسيتج وووووووووووووايد وعلى فكره نفسيتج بتنعكس عكل الي حواليج سواء ريلج او بنتج ..
حاولي تطلعين
تغيرين جووو
حتى لو بالسياره
او تقعدين فالحوش او فالحديقة وتحطين لبنتج شيء يسليها وتلعب حتى لو حوض سباحة والعاب بلاستيكيه
وانتي قعدي وشربي جاهي نعناع وبسكوت ^^_^^
حاولي تروحين او تتلاقين مع حط عنده عيال من سنها فحديقة مثلا او عند ربيعاتج فبيتهم ..
الحل الاخير : الخدامه . لانج يوم بتربين وين بتخلين بنتج ؟ ومنوو بيساعدج يوم تريد تلعب ؟؟؟