السلام عليكم ورحمة الله و بركاته
شحالكن بنات
طبعا" انا اول تجاربي اعرضهم في ها القسم
بس لاني شفت هالمشكلتين وايد تكررن
و انا دومي احوس بين المدونة بعد التنقيب حصلت هالتجربتين لبنات
و جربتهن و بالفعل نجحن وياي مع ان مب اول مره اجرب و ما احصل نتيحة
بس ها التجارب حصلت نتيجة من اول استخدام ما ابالغ يا بنات
ببدا بمشكلة الخطوط البيضاء اللي نفذتها و نجحت وياي و خفت
طبعا" انا كان وزني 120 كيلو جرام و الحمدالله وصلت 79 -77 كيلو و زهرت لي الخطوط البيضاء
و ما تم شي ما جربته يخفن بس ما يزلهن و يردن اول ما اوقف التجربة
جربت خلطات و جربت كريمات نفس الشي
لين قريت تجربة وحده من الخوات و قلت ليش ما اجرب و بالفعل الموضوع نجح من ااول استخدام
و العلاج هو : اول شي لازم تسوينه قبل النوم
تسبحين و اخر شي تسوينه بليفة السبوح الخشنة اتمين تفركين الخطوط البيضاء لين يحمرن
المنطقه لازم تحمر عشان توصلين للنتيجه افركي لين اتحسين انها صارت رقيقه و حممممممممممممرا
و اظهري من الحمام و بزيت زيتون طبيعي مب مال الجمعيات ادهني المناطق و البسي قطن و ارقدي
و الصبح شوفي النتيجة بيخفن بنسبة كبيره
كرري ها العملية لين يتساوى لون الجسم صدقوني مع الاستمرار تنجحين
مشكلة اسمرار المؤخرة لها خلطه مكوناتها :
ملعقة جلسرين سائل و نص ملعقة زيت خروع و ملعقة ونص زيت اللوز في نص علبة فازلين مال الاطفال
تخلطينهم لين يندمجون مع بعض في علبة نظيفة و عقب السبوح بعد قبل النوم ادهني المؤخره
و تمي ادهنيها دقيقتين عشان المواد تدخل بجسمج عدل
بنات اللي ما تنفع وياها اي تجربة لا تدعي علي انا استفدت وحبيت افيدكم و انقل لكم تجاربي
و اللي تستفيد تخبرنا و تدعي لي
عسى ربي يرزقكم اللي في خواطركم
موفقه ان شاءالله
