تعالو شوفوا شوه قالت الدكتورة؟ تغذية صحية

أنا حامل من 6 أسبابيع وبعد مارحت عند الدكتورة …
وكشفت علية قالت لي البيبي ما فية نبض …ورجعى علية بعد أسبوعين ..ما قدرت أتحمل أسبوعين شو بيصر معي ….المهم هي قالت يمكن ينزل ….
قولو لى شو الحل مع خبرتكم…. يلي مرت نفس حالتى أتمنى تفيدنا….

الغاليه اصبري شوي يمكن يكون حمل متاخر وممكن ايبين في الاسبوع السابع والثامن ولا تخافين اختي هذيله شغلتهم ايخوووفون الواحد دام ما نزل لج دم ليش اتقول بينزل احس وااايد مستعيله هاالدكتوره اصبري الغاليه والله ايسهل عليج

اختى اصبري لا تسمعين كلامها عليج بالدعاء وكثري من الاستغفار …. ان شا الله خير

صبري انا ولدي ما نبض غير عقب 7 اسابيع

اختى اصبري لا تسمعين كلامها عليج بالدعاء وكثري من الاستغفار …. ان شا الله خير

حبوبه توج الاسبوع السادس

يعني وايد ناس ما يبين عندهم فالاسبوع اتريي للاسبوع الياي وسيري لدكتوره عندها سونار واضح

وما عليج شر عزيزتي

الغالية النبض يبين من الاسبوع الثامن ويمكن يتاخر .. انا حميتي بين عندها بالاسبوع 12 .. يعني توكلي عربج وان شاء الله مافيه الا العافية .. والله يتمم حملج على خير