شحااالكم خوااااتي..
اليوووم فكرت أسوي جوو شوي بقسم المكياج و العطور..
و قلت أعرض عليكم شنطتي اليديدة لأني فرحانه فيها ^_^… وطلبتها لي من أمريكا عن طريج وحده في المدونة و ماقصرت بصرااحه..الشنطة وااايد حلوة و عجييييييبه و تناسب الماكيرات البروفشنال
اللي شراتي لووووووووووول ^_^..
الشنطة مثل ماهي واضحه بترولي و اللون أسود.. عبارة..عن 3 أقسام..
(1)
هني الشنطة من يدام..
(2)
و اهني الشنطة من الخلف..
(3)
بنفتح القسم اللي فوق .. و أنا حاطة فيه الإضاءة الخاصة بتحت الحواجب و شدوهات اللوز من فور ايفر و الستان
و بعض من شدوهات كرولاين الـ AQUA المائية مع المرطبات و الكحل الكريمي من ماك اللي يكون ضد (الدموع ) أقصد ضد الماي خذت منه ألوان مش واضح وايد بالصورة..
و بعد حاطه فيه كيك الحواجب عندي نوعين كرولاين و تاتو مكب فور ايفر..
و الفاونديشنات بجميع أنواعها.. مع اللوس بودر..و الفل كفر من فور ايفر و كرولاين و غيره..
أحب أستخدمهم للتغطية..و شو بعد هييييي .. اللمعات.. و الأرواج ايونج بعجلة من بن ناي و كرولاين
و من من كل بستان زهرة.. و بعض من شدوهات اتولير ..
(4)
صور عن قرب عسب أعطيكم شوية حماس كسرت خاطري عيونكم شوي و بدش بالشنطة لوول ^_^
لاتفججووونها جذي تراني زغــت مابكمل ههههه ..قولو لا اله الا الله أشوف,,
(5)
سكرنا القسم الأول و نزلناه..
و الحين القسم الثاني.. ع فكرة أنا أقدر اتحكم بتقسيم الشنطة من داخل و هذا الحلو فيها.. بالاضافة إنها سهلة التنظيف عبارة عن بلاستك و فلين ممكن تمسحينة في حالة اتوصخ بشدو أو قلتر الله يرحم ايام الشنطة الأولية .. كانت مخمل من داخل و صعب جداً اني انظفها.. فشكلي كان غلط لوول ^_^
يالله الله عوضني الحين ^_^!!
(6)
القسم الثاني حطيت فيه أقلام العيون و الآيلينر سواء الكيك أو السائل و بعض الشدوهات اللي يكونون من كل بستان زهرة ..
و ممممممممممممممم و المسكرة و الأرواج و الجلوسات ..
(7)
والحين نزلنا القسم الثاني و الحلوو الحييييين ..بنيي عالقسم الثالث .. إييييج كبييير و فيه مسااحه ممكن تترسينة علب شدوهاتج و ماتتقيدين بأدراج أو شي ..
(8)
شوفو كيف واسعه يمكن بالتصوير مو مبينه وايد..
المهم.. أنا حاطة فيه يمكن 7 علب شدوهات متنوعة من انجلوت و فور ايفر و بن ناي و كرولاين و كوستال سيسنز,,و غيره..
و بعد حاطة فيه المثبتات و الرموش الخاصة بالعرايس و الزباين و أعواد الإذن للتنظيف و المنظف أو المعقم الخاص بفراشي المكياج و اسفنجات المكياج .. و حاطة فيه بعد اسفنجات الشدوز و الفراشي
و بعد ع طرف اهناك حاطة الخلطة الخاصة بالعرايس شريت لها علب فاضية من ماك و عبيتها فيهم و شو بعد.,
ممممم اللمعة الخاصة بالعرايس من غيرلاين بصراحه كانت ليمت اديشن و انا وايد عايبتني..
أي شي لمت اديشن من جيرلاين خاصة آخذ منه على طول و ما أتردد لأنه يطلع وايد حلو و فنان و مايتحصل عقب..
طبعا هذا كله فوق بعض .. شفتو ماشاء الله و بعد زاد إذا حابة اتحطين فيه مخدتج و الحافج خاصة إذا بتطلعين مشوار ساعتين أو ثلاث ساعات بالطريج و بترقدين فيهم .. ترى شي مكان خخخخخخ أتغشمر مب اتصدقون
و اتسووونها ^_^ .. و اتمنى شنطتي نالت على إعجابكم..
و أي استفسار أنا حاضرة ^_^
موفجة حبيبتي ..
^_^
موفقه الغاليه تتهنين فيها ان شاء الله