الامهات اللي حملوا وولدوا من قبل.. شو الأشياء اللي خذتوها في تجهيزاتكم ببيبياتكم القبليين.. وحسيتوا ان مامنها فايده وما استفتدوا منها الا قيس ماخسرتوا فلوسكم عليها..؟
اتمنى ان سؤالي يكون مفهوووم..موضوع شفته في مدونة ثاني..
في أشياء انا احتاجها وأشتريتا لعيالي واستفدت منها
بس غيري يشوفها مب ضروريه
يعني ما تقدرين تعرفين الضروريات من الحين وخاصه اذا انتي بكر
لا تكثرين من اللبس لانه هم يعطونج وزن البيبي لكن بعده يكون الوزن في علم الغيب وهم مجرد تقديرات
وانتبهي للجو ألفتره اللي بتربين فيها يعني ما بتحتاجين مدسات ولحاف ثقيل للبيبي
ولا تنسين انه البيبي بيكون لابس كم قطعه هذا اذا بتربين في الصيف
والشتا العكس
و ممكن الحليب والصابون والكريمات تناسبج بس ما تناسب غيرج
المنز حسب الامكانيات ومساحة الغرفة
اللي ممكن مساعدة فيه نوعية اللبس والكوالتي ماله يعني دام انه بيبي لين 3 -4 شهور انا عن نفسي افضل البس البيبي افرول الكامل او اللي بدون ريول حسب الجو ما احب البس القطعتين خاصه اول شهر عشان ما يضغط على السر
اهم شي أحط لسته بالعدد والنوعيه اللي بشتريها ….. لا تشترين عشوائي
المراضع انا افضل افينت استخدمتهم لعيالي قبل ومرتاحه منهم في نفس الوقت حد ما ناسبتهم
اهم شي انج ما تكثرين من اي شي
السوق ما بيخلص ولا تتخيلين انج في الأربعين ما بتطلع ين مول .. لا حبيبتي تطلعين عادي تقضين حايه بسيطه وردي واذا عندج حد يسد خير ونعمه
الله يسهل علينا
حبيبتي انا عندي بنتين وهذا ثالث حمل لي تبارك الله.. وادري انه الاذواق والاحتياجات تختلف!! بس قلت اشوف كل وحده وراييها
انتي عندج عيال من قبل يعني تعرفين وضع كيف بخصوص شفاطة الحليب وايد ياخذنها ويفرنها لانه مايستخدمنها اذا انتي ماتسوين حليب وايد تقدرين تستغنين عنها
تبين الصدق انا ناسيه بعد شو الاشيا اللي خذتها وماستفدت منها من فتره ماحملت
انا ما اقصد الثياب بس.. مثلا في حد خذ الطاوله اللي يبدلون عليها الياهل وندم عليها
مع ان الاغلب يقولي مب اوكيه وما بتفيدج بس بالنسبة لي خدمتني
بالنسبة للثياب لا تكثرين ولا تستعيلين فيهم وايد وحلو التجديد والتنويع
وحطي في بالج تاخذين قطع مميزة حق زيارات الاهل لج تبين النونو كاشخ
المراضع مهم تتعقم وجهاز التعقيم وااااااايد مفيييد