حبيباتي
كلكن
مش بعضكن
كلكن عندكن مكياج
أبا أعرف
كيف ترتبينه؟
عندج علبة مغلقة كبيرة
علبة مفتوحة كبيرة
عندج
التسريحة كلها مليانة مكياج؟
وإلا ماتعرضينه كله في الأدراج؟
عندج
شنطة خاصة للتنقل و الخروج ( شنطة مكياج صغيرة داخل الشنطة الكبيرة؟)
وإلا تكتفين بوضع الأساسيات في الشنطة الكبيرة الهاند باج؟
لما تسافرين
تشلين مكياجج معظمه
ألوان الشادوهات و الروجات و و
وإلا تكتفين بكريم أساس و بودرة و كحل و علبة للشادوهات فيها أهم ألوانج و كم روج
ياريت تكون الردود موثقة بالصور أفضل أخواتي
و لكن تحياتي
بس ياليت لو كان معاه شرح
مييكب
زين ان المنظره كبيره واقدر اشوف ويهي فيها
بس عندي شنط حاطه مكياج المناسبات والاعراس فالكبت
ومكياج الدوام والطلعات مع الكريمات والعطور كله فهالتسريحه المسكينه
بالنسبه للترتيب
واللله خويتج حرمه اذا رتبت اليوم باجر من الفير بتحصلي كل شي راد شرات قبل
اصلا من يوم صغيره الامور اللي احبها لازم تكون امخربطه وغير مرتبه
لما اطلع برع …مممم اشل جلوس غالبا …ونادرا اشل جحال
وبس
والباقي في البيت
لما اسافر
اشل الامور اللي متاكده راح احتاجهم …حسب السفره يعني
وهييييك شيييي
شوشو
انا عن نفسي عندي مثل خزانة زجاج باربع رفوف اعرض فيهم كل المكيب اللي عندي ….
ممممم
عادة لما اظهر طلعات او للدوام ما احب احط اي شي على ويهي…
للعزايم …
احب اتمكيج مكياج خفيف يعني ارسم عيني بالكحل وشوي جلتر … وبلشر وقلوس خفيف…
للسفر…
اخذ الاشياء اللي احتاجها بس وما احب اكثر…لاني واااايد احب اكون طبيعية ….وبس
*واحدة للميك اب الجديد اللى ما استعمل بعد وميك اب السهرات
*شنطة للفاونديشن والبودر والأساسات والبلاشر
*شنطة للشادوهات والأيلنر والمسكارا ومال الحواجب والحجال
*شنطة للأرواج والجلوسات والليبلينر
وهذا الترتيب وااايد مرتاحة معاه
أما عند الخروج عندى شنطة صغيرة أخذها داخل الشنطة وفيها ما أحتاجه لترتيب الميك اب مثل الروج والجلوس والحجال والبودر وأهم شى قطرة للعين
أما فى السفر اخذ كل الميك اب اللى ممكن أحتاجه وممكن أخذه كله معى أحتياطى
وثاني شي بالنسبه لي فأنا احب دايما اشيائي تكون مرتبه وفي مكانها سواء مكياج او اي شي ثاني لاني ماحب العفسه والحوسه ^_^
المهم اول شي بحط لج صورة شنطة مكياجي اللي على التسريحه وهي عباره عن شنطه متوسطه وشكلها حلووو وكيوت ماخذتنها من محل مكياجي وحاطه فيها كل المكياج الضروري واللي استخدمه للطلعات والزيارات
وهذا شكل الشنطه وادراجها مفتوحه ^_^
وهاذي ودراجها مسكره علشان تشوفين انها صغيره ومب ماخذه مساحه كبيره من التسريحه لاني ماحب تكون تسريحتي مزحومه ومتروسه أغراض احبها نظيفه ومرتبه ^_^
أما باقي مكياجي فأنا حاطتنه في شنطه شوي كبيره داخل الكبت وهاذي صورة الشنطه وهي مسكره وصورتها وهي مفتوحه والاغراض داخلها ^_^
أما للسفر فأنا آخذ اي شنطه صغيره أحطي فيها بس الاشياء الاساسيه والضروريه
ويوم أطلع احطي في شنطتي شنطة مكياج صغيررررررررررره شارتنها من بودي شوب وحاطه فيها الاشياء الضروريه وهاذي صورتها مع الاغراض … طلعتهم منها وصورتهم ^_^ يمكن تقولون اني حاطه وايد مكياج في الشنطه بس الصراحه انا حاطه ها المكياج كله لان مرات ريلي يفاجأني ونحن في السياره يقولي شرايج نسير فندق أنبات ومرات أكون سايره بيت اهلي وماكون حاطه شي وتفاجأ بزيارة حد من الاهل فأروح أحطيلي مكياج من شنطتي لاني ماحب استعمل مكياج غيري ^_^
وهاذي صورة شنطتي الصغيره ^_^
ما عدا مكياجي اليومي .. هو اللي حاطتنه برع
مثل كريم الاساس اللي على البشره من ماك والبودره بعد من ماك
وعلبة اشدوا تقربا كل الالوان فيها بس صغيره والوانها مات
وبراشر لونين مخملي ووردي
وحموره ورديه وكلوسات انواع
وبس
اما وقت السفر عندي شنطه خاصه للمكياج كانت هديه من بنت عمتيه
ما خذتلي اياها من ماركس سبنسر
واحط فيها مكياجي اليومي .. مع اللمعات اللي مال البودي
وبس