الحمدلله بناء البيت خلص عندي ..
و الحين بدأ الشغل الجامد ..
اخترت جرانيت للبيت من مركز بن كامل الي فالشارجة .. و اخترت الابواب من كتالوجات يابها ريلي و اظني من المنطقة الحرة فالشارجة .. و الابواب وايد حلوة …
ويا دور الحمامات ..
جولة الحمامات شوي متعبة .. فيه أكثر عن 7 حمامات فالبيت ..
وكل حمام لازم يكون ديكورة غير عن الثاني من الالوان و من الفكرة .. و هالشيء الي تعبني 
سالت و سويت سيرج فالمدونة و النت سمعت عن كذا محل مدحوهن لي ..
أول شي بديت فالتنين شفت عندهم حمامات حلوة (( أقصد بس الارضية و الجدران) مش المغاسل و المراحيض…. بس الصراحة ما أضمنهن من ناحية الكواليتي … بس جيه سرت ابا اشوف ..
و رجعنا مرة ثانية للشارجة .. لفينا كذا محل ..
(مركز بن كامل ) الصراحة حبيته تحصلين عندهم اشياء حلوة اخترت حمام فخم من الرخام للميلس من محل السيراميك الملكي … و البارحة سرت لمحل الرابية الي فبن كامل و غيرت رايي اخترت واحد ثاني من عندهم سيراميك اسباني و واحد ايطالي بس روووووووعه و الله ديزاينات حلوة .. كنسلت مال الميلس هذاك و حددت واحد رهيب الصراحة للميلس .. و اخترت لغرفتي المساتر واحد .. وحتى قالي هو بيصمم لنا كيف ما نبغي يكون ديكور الحمام ..
شفت البنات وايد يمدحو ( كليوبترا) .. وسرت له البارحة بس الصراحة ما عيبني وايد .. حسيت محل التجهيزات الجديدة الي عداله روووووووووووووعه خبلبي الصراحة بس للاسف سعره وايد غالي و المقاول محدد لنا سعر معين للمتر .. بس و الله رووووووووووعه حماماتهم الي ميزانيتها تسمح لا تفوته كله ايطالي و اسباني خبال ..
و فيه محل الجوهرة هذا مصري بس موديلاتهم وااايد حلوة .. كنت مختارة ولغرفتنا المساتر من هناك بس البارحة غيرت و خذت من الرابية ..
سيراميك راس الخيمة سرت له ما عيبني .. كنت بسوي منه للحمامات العادية بس للاسف ما عندهم موديلات حلوة ؟؟؟
و فيه محل محمد فرج الله عندهم حمامات فخمة شوي .. بس ما اخترت منه ..
ما برمس وايد .. بس هاي شوية معلومات للي تبا تاخذ أطقم حمامات من الشارجة ..
و هيه نازو كل ما اسير له الوقت متاخر و سكر وما شفت شي للحين ..
خلصت حمامين عقب هالدوارة كلها وباقي حمامات الغرف العادية و غرفة الضيوف .. و الله ايسر لي اموري و اخلصهن بسرعه و القى شي على مزاجي ….
وعقبال ما اتخلصينهم كلهم
الدرويش وعنده سيراميك من محل عندنا في دبي وهو ايطالي وغالي ولكن تقدرين تاخذين منه الافكار
انا بصراحه ما اعرف مكانه في الشارجه لاني اروح فرعهم الي في دبي وانا رحت شفت كل هذا قبل ما ابتدي اخطط بيتي لانه الديكور يأثر على التخطيط وايد ..
وبالمناسبه تقدرين تروحين محلات السيراميك الي في شارع صلاح الدين في دبي وتاخذين افكار فقط لانه اسعارهم خياليه وبالنسبه لموضوع انه المقاول حاط لكم سعر للسيراميك وما تقدرين تاخذين اغلى عنه
تقدرين تاخذين اي سيراميك تبغين وبالسعر الي تبينه ولكن تحسبين الفرقيه يعني لون هو حاط لكم في العقد متر 50 درهم فقط وطلع عليج النوع الي سعره ب60 انتي عطيه فرق السعر وقوليله انا ما حصلت شي يعجبني بسالعر الي في العقد !!
كل اهلي يسوون جذي بالعكس كل ما كان السعر الي في العقد اقل كل ما حسب لج سعر الفيلا اقل فهمتي قصدي
والله يوفقج
اخت نادية ..مشكووورة فديتج ؟؟ الدرويش مادري احس مار عليه هالمحل بس مادري وين بالضبط؟؟
و مثل ما قلتي غناتي المقاول حاط سعر معين للمتر بس نحن ما تقيدنا بهذا السعر .. مثلا للميلس و المساتر روم اخترناه واايد غالي حتى فوق تربل السعر الي حاطنه ..
بس الغرف ريلي يقول نحاول ما ناخذه وايد غالي لو شوي اعلى من سعر المقاول مب مشكلة بس ما يكون مبالغ فسعره .. وانا الصراحة ما توقعت الحمامات جيه غاليه ..
ومشكورة عالرد الغاوي غناتي
شكرا على المعلومات و فعلا المحلات اللي قلتي عليهم انا مريت عليهم بس من فترة طويلة
و كانت اشياء حلوه وفخمه بس الرابية بعدني اذكره لأنه اللي يشتغل في المحل ما شاء الله عليه رميس درجة اولى و انا اخاف من هاي النوعية
و الاسعار اللي عنده بعد غاليه يعني كل ما اسأل عني شي كان سعره فوق ال300 عشان
جذه بغيت اعرف شو الاسعار اللي عطاكم يمكن نزلت الحين الاسعار