تعالوا اللي جربوا الكلوميد للصحة

مرحبا حريــيم شحالكم؟؟
انا الشهر اللي طاف استخدمت الكلوميد وتأخرت علي الدورة يومين ونزلت علي
وهالشهر ودرت الكلوميد مااستخدمته إلا شهر والحينه طاف على موعدها يومين وماشرفت

تتوقعون من الكلوميد اللي استخدمته الشهر اللي طاف يمكن لخبط دورتي وأخرها وإلا شو السالفة ؟؟

مع اني احس بعوار في ظهري ونغزات في الينب اليمين من بطني اقول الحينه بتنزل العاده ومانزلت وان شاء الله ماتنزل قولي امين

ان شاء الله خير ..
دام عندج الدورة منتظمة فحصي وان شاء الله خير

هلا حبيبتي نونو والله خايفة افحص ويطلعي سالب وازعل شرات كل مرة

بصبر اسبوع وبفحص مع ان ادري مااقدر اتريا

حبيبتي الكلوميد ينشط المبايض وبعد له اثار سلبيه وانا قبل لا اخذ الحبوب سالت البنات اللي فالمنتدى عسب لا اجرب شي ويخرب علي كل شي مع ان كل شي فيني سليم ولله الحمد والشكر والبنات ما قصروا
وانا انصحج اذا ما كان فيج شي لا تاخذين هالحبوب عليج بالاعشاب ( الميراميه والمرقدوش )
وعن اللخبطه في الدوره ابصراحه ما عندي خلفيه وان شاء الله البنات ما بيقصرون
وربي يرزقج بالذريه الصالحه عاجلا غير اجل واتبشرينا
وان شاء الله ربي يرزقني الذريه ويرزق كل محرومه امييين
ربي لا تذرني فردا وانت خير الوارثين

هلا الجيوكنده يعطيج العافية حبيبتي
انا بعد الحمدلله مافيني شي بس قالت الدكتورة بعطيج علشان يزيد فرص الحمل وماادري شو بس انا استخدمته مرة وحده وماكملت العلاج قلت بتوكل على الله والحين ماادري ليش هالدورة تأخرت ان شاء الله اكون حامل يارب

وحبيبتي عن الميرامية والأعشاب متى تنصحيني اشربهم وكيف اسويهم

ان شاء الله تكوني حامل

كتير ناس اخدوا كلوميد و حملوا بعد ما وقفوه

ان شاء الله تكونين حامل