تصويت: كيف تحبين العشا يكون في الاعراس ؟؟ لاناقة المرأة

الســــــلآم عليــــــكم ورحمـــة اللـــه وبركاتــــــه

شحالكن يا بنات
ويا حريم
ويا عرايس ..
شحالكم كلكم ..؟

بحطلكم مثال على موقف صار ويايه وظاني سار ويا الكل

رحتــــي عرس ودخلت العروس ( ما شاء الله عليها كانت حلوة ) احم احم
ودخل المعرس ( وانتي للحين ما طلعتي هع هع ) المهم …وفي نص الفرحه لمحتي
العاملات إلي في القاعه بينظفووون …وشالات وياهن كيس الزباله الاســــود
ويشلن كل شي ويعقنه .. طبعا غالبيه الاكل يكون مب مفتوح مثل السلطات والحمص
والحلويات والعيش واللحم خصوصا العيش واللحم محد يصكه وايد …وكل داخل هالكيس
الاسود …وبعدها في الزباله ..مب حرام يا خواتي …مب حرام ناس مب لاقيه تاكل لقمه تسد فيها
يوعها ونحن في عراساتنا اكل محد مد يده عليه ينقع في الزباله

العاملات شو عليهن مسؤوليتهن ينظفن الصحون

ونحن اهل المعرس او العرووووس شو وظيفتنا نطالع

نسيتوا قول الله تعالى :
(إِنَّ الْمُبَذِّرِينَ كَانُواْ إِخْوَانَ الشَّيَاطِينِ )

بتقولن اكرام الظيف ..وغيره …صح
نكرم الظيوفنا على عينا وراسنا بس بالعقل ظويفنا ما بيون ميوعين عمارهم وبياكلون كل شي

لازم شي بيبقى بالعقل يعني

الحل الأول

صحن العيش إلي كبر الطاولة لازم يتقلص حجمه صح ولا لا
وانا رحت عرس وكان الوضع فيه جيه الصحن ما كان كبير
وبعد الناس ما كلت منه شفتوا كيف

الحل الثاني

شوفوا الجمعيات الخيريه ..خلوهم ايون عقب العرس ويحطون الاكل
ونبهوا القاعه انكم بتسون هالشي او خبروا القاعه انهم يرتبون لكم

الحل الثالث

اهل المعرس والعروووس يتفاهمون في ما بينهم
امي تقول دام الوحده بنتها بتعرس لازم ما ترمس .
ليش ..؟؟ هالله بيكون راضي عن هالشي تقريبا 80% من الاكل
في الزباله ؟؟
اكرموا ظيفكم بس ما بتاخذون اثم ..
حتى العروس نفسها لازم يكون هالشي من اولوياتها مب بس فستانها وكوشتها

الناس بترمس …وهالشي معروووف …لكن الله بيازيكم بالخير إن شاء الله
ولا تحبون تدخلون من ظمن ( إِنَّ الْمُبَذِّرِينَ كَانُواْ إِخْوَانَ الشَّيَاطِينِ )

في الاخير ابا اسمع اقتراحاااااااااااااتكم ….وأرائكن
وانا الهشي ان شاء الله بطبقة في عرســـــــــي إن شاء الله (عقب كم من سنة يوم بيي سعيد الحظ هع هع )

العرس يوم يكون في قاعة ممكن ترتبين وتشلييين الاكل الباقي

بس لما يكون في البيت – ليلة حنا او عرس – وجدام عينج الاكل كله ينحط في اكياس الزبالة والله عوار قلب

اتمنى التفاعل

وخصوصا الي جربن هالشي وطبقنه

في قاعات ما تتريا الناس يلين تخلص وتفضى القاعه على طول هاتي يا زباله وعقوا
اكل ما نكشف ولا انصك في الزباله كيف تبون رحمة ربي ينزل

هالفكره في بالي ،، وان شاء الله بنفذها في يوم عرسي ..
صدق حرام والله الاكل ينعق وفي ناس مش محصله لقمتها ..

هي و الله يحز فخااطرج

في نااس ما محصله تاااكل و احنا و لا حاسين

بس انا الاحظ انه في جمعية اظن اسمها جمعية حفظ النعمة >> مب متأكده من الاسم

المهم هذا تيي ساااعات (اظن لو حد طلبها) وتااخذ الاكل الباقي توزعه عالنااس الفقارى و العمال (الهنووود و جي)

هذا معناااه انه عدنا حل سهل و بعد نااخذ عليه اجر ان شالله ..

خلاص الحيين نطالب كل العراايس انهم يخبروون هالجمعيااات بمكاان العرس و اليوووم عشاان يشوفون شغلهم بعد العرس ^^

مس كيوووت هالخدمة تبع الهلال الاحمر ويقدرون يتفاهمون وياهم
بس ويا ربشه العرس محد يتذكر هالشي …

الله يحفظكن