هلا السلام عليكم خواتي أنا مربية من اسبوع تقريبا ولله الحمد بس من فترة بدئت أعاني من تشققات الحلمتين والله أني أعاني ومب قادرة أتحمل الألم فلجأت للحليب الصناعي نان اتش إيه مرة وحده في اليوم لين ما ألقى علاج لحلمتي بس من شربت بنتي هالحليب وهي تعاني من الإسهال يا ريت تساعدوني قلبي متقطع على بنتي وما ابي اضرها اكثر بليز ساعدوني شو الحليب الثاني اللي اقدر استخدمه وكيف اقدر أعالج حلمتي بأسرع طريقة عشان ارد للطبيعي
انا جربت كريم بيبانثين وفادني
بس اهم شي تغسلينه عدل قبل الرضاعه لانه مب مثل كريمات التششقات العاديه اللي ممكن ترضعين فيهم
لا تعطينها الصناعي، شي في تويز آرأص قسم المواليد حلماات سيلكون مثل راس المرضعه اتحطينها ع حلماتج عشان ما يزيد التشقق واذا كنتي تستخدمين كريم علاج ما يدخل في حلج الياهل، وروحي اي صيدلية واطلبي كريم التشققات بعطونج…
هلا فديتج زبدة الكاكاو وايد زينه عن تشققات الحلمتين وما يظر الياهل روحي الصيدليه بيعطونج اياااه قوليلهم عن تشقق الحلمتين وموفقه حطيه بعد كل رضاعه ومن يروح عنج التشقق خلاص ودريه لانه بعدهاا بكون عادي..
اختي استخدمي كريم بالميرز بعد كل رضعة حطيه ع صدرج أنا كنت أعاني شراتج وايد يعور والحمدلله قمت أحطي مدة شهر وراح والغالية ??لِْـِّْ?????ـِّْاِْ تلعوزي بنتج فالصناعي حرام اتحملي عشان خاطرها الألم لان الصناعي يتعب معدة الياهل كلهم قالوا لي اتحملي الألم ولا انج تعطينها صناعي عقب يسبب امساك فديتج وانتي حاولي تغسلي الحلمات عدل عقب وقبل الرضاعة فماي دافي خليها نطيفة.
اختي انتي شكلج ترضعين غلط التشققات تزيد اذا طريقة الرضاعة غلط
حاولي ترفعين الياهل صوبج مب انتي تنزلين له
تاكدي انه ماسك الحلمه مب تكون تحت لسانه
لا طولين في الرضاعة احيانا الياهل ينام والحلمه في حلقه طلعيه حطي صبعج على طرف حلجه وطلعي الحلمه شوي شوي مب تسحبينه جيه بتتقطع
حاولي قبل لا تسبحي سوي مساج للحلمات بزيت الزيتون
بالنسبة للإسهال اذا من الرضاعة الطبيعيه عادي لكن اذا من الحليب اسمحيلي ما اعرف لأني أحاول ابد ما ادخل الصناعي لعيالي
اختي لا تتركين الرضاعه مافي افضل من حليب الام لمناعه الطفل
استمري بالرضاعه كلنا نعاني من هالشيء معليه تحملي وحطي كريم بالمرز
توني من اسبوع زرت صديقة لي والله ترضع وهي تبكي من الالم
سيدا خليت ولدها يسير الصيدليه واشترى الكريم واللحين الحمد لله ثالث يوم سار الالم بس اهم شيء ما توقفين الرضاعه