تركيب بلاستيك مقوى على فتحات الدرج والشرفات في المنزل لتكوني انيقة

السلام عليكم

إشحالكن يا حلوات؟

بعيت أسألكن،. عندي شرفة في البيت تظل على الصالة وأخاف على اليهال منها ، جفت في الحضانة. عند ولدي محطين مثل بلاستيك مقوى مصكرين الشرفة ، والديزاين تام حلو ، لأن القطعة شفافه

منو يعرف. محل في دبي يركبها وما يكون غالي ، الشرفة اللي عندي مترين وياني واحد قال بيسويها ب 20،000، وأيد مبالغ فيها

اللي يعرف بليز يرد علي لأني. أخاف أخلي اليهال في البيت من هذه الشرفه

ويزاكم الله خير

هنوووده

بالتوفيق حبوبة

انا سويت رفوف وخزاين معلقة بالسقف من الأكليريك..
فيه نوع يكون شفاف وفيه ملوف وهو عبارة عن زجاج ممزوج مع البلاستيك فيكون مادة شفافة قوية..
يعني اللي شافهم تخبل وانبهر فيها خاصة لمن الخزاين فيها سبوت لايت..روعة..

شوفي هذا الإكليريك ما يكلف وايد..
يعني الخزاين المعلقة كلفتني تقريبا 3500 درهم مع الرفوف.. لون أسون وشفاف..
اذا حبيتي أنطيج رقم الريال اللي يشتغل بهاي السوالف حتى لو حبيتي استشارة من عنه هو ما راح يقول شي..
بحاول أذكر اسم الشكرة مالتهم أو أدور على البيزنس كارد مالته..

يزاج الله خير في انتظار الرقم

موفقه الغاليه.. اختج @مبدعه@

رسلت لج الرقم عالخاص

ماقصرت جيرلي^^الله يحفظ عياالكم ان شاء الله