شلونكم بنااات شخباااركم ؟؟
بنااات خل اصدمكم من الحجي اللي قالتلي ياه الدكتوره
وخبيره البشره عن فيتامين e طبعا للبشره المختلطه نفسي وللبشره الدهنيه
بناات الله يسلمكم انا قبل فتره سويت نفسي مخترعه وفاهمه كل شي بالحياه وتفلسفت لوول
وقمت حطيت كبسولتين فيتامين e وكبسوله حبوب زهره الربيع وخلطتهم مع كريم الليل ماليشسوي الفراغة وماتسوي
اول مره اخلط كريمات للويه
الموهيييييييييييييم
طبعا الكريم عجيب للنضاره والتفتيح بس اللي لاحظته ان ويهي قام يحبب معنه مافيني حبوب
وكل ماله ويزيد …!!!
انام واقوووم ولا كل يوم حبه يديده وقمت وقلت اكيد من تغيير الجوو لاني وايد وايد اهتم في بشرتي
وعلى اطول انظفها واهتم فيها وارطبها معقوله اول مره ويهي يحبب ولا منطقه وحده بس بعد
المهم الحين نيي حق الطامه الكبرى
ذيك المره مريت الصيدليه وقام اسولف مع الدكتوره وقالتلي تبين اساعدج قتلها لا مشكوره ما احتاج شي <<< يعني مسويه نفسي كلش معنه منطقه اللي صوب الشفايف و يم الحنج وتحت الخشم بشوي هني محببه
جان تقولي براحتج ؟!
جان اقولها هالمنطقه وايد مأذيتني جان تقولي ماشالله دنتي زي القمر ووشك بيجنن زي القمر وتمدح قتلها اي عاد وايد عد بدون ميكب جان تقولي لا ما تقوليش كده بتجنيي
قتلها بجنن بس الحبوب اللي هني مأذيتني حيل معني استخدم كريم اللي وخالطه فيه فيتامين e وحبوب زهره الربيع ؟ مادري ليش جذي ويهي ( يعني يقول فاهمه حضرتي )
على بونه فيتامين واكيد بينفع للويه
جان تقولي ايييييه !؟
انتي بشرتك مختلطه ازاي بتخلطي فيتامين e بكريم وتحطيه على وشك ( يعني ويهج )
قتلها ليش مفيد قالتلي تخيلي بتحطي زيت زيتون على زيت سمسم وبتعملي طبخه النتيجه ايه ؟؟؟
قتلها لوعه طبعا لووول
قالت ايوا
وقفي الكريم البشره الدهنيه اذا استخدمتي لها فيتامين e الدهني يعني الكبسولات تحبب وتفتح المسام ومع الوقت الويه يحفر ويبقع
قالت في كريمات مدعمه في فيتامين e وتكون غير دهنيه ..
non oily
يعني في كريمات خاصه بس فيتامين e للبشره المختلطه والدهنيه ويكون الكريم دهني !؟
يعني البشره المختلطه والدهنيه اكبر غلط تحط الكبسولات على ويها مباشره راح يفتح لها المساام ويحبب البشره ويدهنها زياااده ومع ال,وقت الويه يبقع … تخيلوا
وصج انا لاحظت ويهي قام يدهن بشكل خيااالي ولا يحبب حبوب غريبه اول مره تطلعلي
قالت تبلعينه اوكي يمنع التأكسد ودخول المواد السامة للجسم ويعيد احياء الخلايا الميته بس ما تحطين الكبسولات مع كريم وتحطينه لويهج اكبر اكبر غلط ..
الله وكيلكم رديت البيت وقطيت الكريم على طول بدون تفكيرمسبق(<<< اشفيها عقب شنو )
وسارلي 5 ايام قاطته والحبوب خفت وتقريبا اختفت وتوبه توبه اخلط الفيتامينات مع بعض لانها قالتلي الكبسولات تتفاعل مع بعض اذا خلطتيها غير الفيتامين الخالص اللي ينباااع
ومدحتلي كريم ما شريته بشتريه انشالله حق البشره المختلطه والدهنيه مدعم بفيتامين e وكولاجين وغير دهني بشتريه انشالله واجربه واقولكم
ومدحتلي حيل صابونه الجلوتاثيون Dr Q مالت الدكتوره( قنال الصايغ ) قالتلي عجيبه حيل واكثر صابونه تمشي والوحيده اللي مافيها مواد كيمائيه وطبيعيه مدحتها اكثر من صابونه فير اند وايد
لاني احب هالصابونه وقالت لا تستخدمينها لويهج لانها تفتح المسااام بعد بس للجسم …
*
*
*
*
*
وبس حبيت افيدكم خواااتي
عشان لا تتوهقون مثلي وويهكم يبقع
منقوووول من العضوةMisS.Wawa مدونة كويتيات
سبحـــــان والحمدالله ولا اله الا الله والله أكبر
۩ ۩۩ ۩۩ ۩۩
*•.¸.•* بِسْمِ اللهِ الْرَّحْمَنِ الْرَّحِيمِ •¸ .*•
قُلْ هُوَ اللَّهُ أَحَدٌ ۞ اللَّهُ الصَّمَدُ ۞ لَمْ *•
يَلِدْ وَلَمْ يُولَدْ ۞ وَلَمْ يَكُن لَّهُ كُفُوًا أَحَدٌ *•
*•.¸.•**• صدق الله العظيم *•.¸.•* *•
۩ ۩۩ ۩۩ ۩۩ ۩۩ ۩۩ ۩۩ ۩۩
معروف البشره الدهنيه والمختلطه ما يحطون لها زيوت
والشعر الدهني بعد ابدا ابدا ما نستخدم له زيت لانه يخلي الشعر يتساقط