مثل ما تشوفون الاجازات بدت
والكل مجهز نفسه للسفر
واكيد الشنط تنمزر بالثياب والنعول وشنط اليد والمكياج والعطور
في وسط كل هالاغراض….كيف ترتبين الاغراض الخاصه بالوجه والجسم ؟؟؟؟
خاصه انج ما بترومين تشلين كل اشيائج اللي تستخدمينها عشان ما تثقلين الشنطه وعشان ما بيكون عندج وقت للعنايه بالبشره من طلعات كل يوم وبعد اغلب حمامات الفنادق صغيره ومافيها مكان تحطين اغراضج
اغلب هالمنتجات ممكن تتسرب وتوسخ لج الثياب……
براويكم طريقه لحفظ منتجات الوجه في الشنطه وباقل عدد ممكن
النوعيه هاي من الشنط متوفره بكذا شكل وكذا محل
اختاري اشيائج الاساسيه لكل يوم (الاحسن ما تكون الاشيا يديده عشان تخلص عنج بالسفر وتتخلصين منها بدل ما ترجعينها وياج)
فرشاه ومعجون
غسول الوجه
كريم النهار والليل والعيون
شرائح ازالة المكياج للوجه والعيون
سكراب (بتحتاجين له ضروري كل 3 ايام تنظفين بشرتج من استخدام المكياج بشكل يومي وتلوثها من الجو )
ماسك معبا في اكياس للاستخدام مره وحده ….اخف وزن وتتخلصين منه عقب الاستخدام (بتحتاجين 2 لكل اسبوع)
الغرشه الصغيرونه اللي حذال المعجون هاي من دايسو احط فيها ماي زهر
انا هاي شنطتي اللي ما استغني عنها بالسفر او الويكند
أحلى شي انها من النايلون يعني أي تسريب داخلها يتنظف بسهوله
وشفافه من داخل تشوفين كل اللي فيها بسهوله بعد
تنلف وتنحط بالشنطه بين الثياب
يوم تنفتح فيها معلاق شرات معلاق الثياب تعلقينها بالحمام ولا اسهل
طبعا شي شنطه ثانيه لشغلات الشاور بنزل لكم اياها مره ثانيه
عن الكسل بنات وراوونا كيف طريقتكم بترتيب اشيائكم للسفر يمكن وحده عندها طريقه احلى تعجبني واعتمدها
ما ابغي تعليق على رداءة الصور لانها من الفون ههههه
انا عندي شنطه متوسطه احط فيها
كل شي واحطها بين الثياب، اضمن
انه ثيابي ما تتوصخ بس عباله لين
ما اطلع الاغراض واختار من بينهم
شو اللي اباه بالضبط . .
عيبتني الشنطه اللي عندج، ممكن
اعرف من وين خذتيها اختي؟
المشاركة الأصلية كتبت بواسطة مراسيل الوفاآ 
انا عندي شنطه متوسطه احط فيها
كل شي واحطها بين الثياب، اضمن
انه ثيابي ما تتوصخ بس عباله لين
ما اطلع الاغراض واختار من بينهم
شو اللي اباه بالضبط . .
عيبتني الشنطه اللي عندج، ممكن
اعرف من وين خذتيها اختي؟
فيكتوريا سيكريت
المشاركة الأصلية كتبت بواسطة مراسيل الوفاآ العفو اختي
وين البنات شاركو بطريقة ترتيبكم ونصايحكم
188 مشاهده ولا مشاركه غير وحده بس
صدقهم البنات يوم يقولون القسم ما يشجع ….وين التشجيع اذا الكل يدخل ويطلع بدون ما يفيد غيره
المشاركة الأصلية كتبت بواسطة mischocolat 188 مشاهده ولا مشاركه غير وحده بس
صدقهم البنات يوم يقولون القسم ما يشجع ….وين التشجيع اذا الكل يدخل ويطلع بدون ما يفيد غيره
هههه.. عشان تصدقيني.. احس هني بس 2٪ من العضوات اكتف.. والباقي 
انا كنت عضوة في واحد من المنتديات الكويتية لسنين.. يمكن ما يحطون غير موضوع واحد كل يومين.. بس شو التفاعل منهم.. الكل يبا يعرض تجاربه.. بس هني للأسف ما شفت شي..
بخصوص موضوعج حلو.. الحين باحط صوري 
شنطي كلها من eccotools.. أغراضهم عضوية وتكد.. ممكن تغسلينها في الغسالة..
عندي نفس شنطتج مال المعلاق من نفس الماركة بس ما حصلتها.. ما استخدمها غير حق السفرات القصيرة..
وفيه نفسها صغيرة لشنطة اليد..
وها شكلها مسكرة..شوي اكبر من المقلمة..
وهاي حق اغراض الشور والحمام.. من داخل بلاستيك.. والثانية حق اغراض الشعر..
