% تجمع المربيات بقيصريه % لصحة الجسم

السلام عليكم ورحمة الله وبركاته ..

هلا حبايبي شخباركم وعلوومكم ؟؟

انا حبيت افتح هالتجمع عشان الكل يستفيد من بعض

طبعا للمربيات بقيصريه ^^

كل وحده تكتب ..

بالنسبه لي انا ربيت بقيصريه من شهرين

والسبب انه البيبي حبيبي كان تعبان

والصراحه عانيت من الجرح بعد الولاده

لا ويتني حمه مدتها اسبوعين والسبب

تجلط دم في الرحم افف كانت ايام

بس الحمد الله احمد ربي واشكره ماراح تعبي ع الفاضي ^^

انا افكر احمل عقب سنه باذن الله تعالى ..

بس خايفه اربي بقيصريه ثانيه لانه عقب بتكون كل ولاداتي بقيصريه

وانا سمعت انه بس 4 عيال تقدر اتييب المربيه بقيصريه ؟؟

وطبعاا الكرششششششش الي مب راضي يروح ولا يخف مع اني ضعيفونه ووزني الحين 49

ووايد خربت الكرش شكل جسمي ..

الحين كل وحده تحكيلنا شو سبب القيصصصريه ..

وهل حملتي بعد القيصريه بكم سنه ولا شهر ؟؟ ربيتي طبيعي ولا عمليه ثانيه

والي عندها معلومات اكثر ياليت تفيدنا ^^

يلا نترياااااااا تفاااااعلكم ^______^

تحيات ام خلووووووودي ^_^

حبيت أرفع لج الموضوع وان شالله البنات أيفيدونا
أنا ربيت بعد قيصيري وكانت بجري ويبت بنت فديتها الله يحفظها ويخليها لي
فديتها رأس كان فوق وأنا يتني الأم الطلق عاد كنت عنيده ماروح أجيك إذا رسها نزل من جذي يالله الحمدلله على كل حال
الحين صار لي اسبوعين بس ماترقد بالليل تعبت وكلها اتصيح

وحاليا ما أفكر أحمل أخاف وأتمنئ البنات يفيدونا

السلام عليكم
انا صارلي ثلاث شهور وهاي رابع قيصريه وتعبت فيها وايد بس الحمد الله احين اوكي ومافكر بعد احمل

يلا الحمد الله على سلامتج ^^

ويخليلج بنووتج ^^

هيه انا عانيت من صياحه في الاربعين وللحين ><

وحليلج الحمد الله ع سلامتج ^^

انا ربيت بقيصريه والسبب الضغط كان مرتفع وماراضي ينزل وتعذبت وااايد تميت 4ساعات بغرفة الولاده بس مارضت بنتي تظهر واخر شي قالوا عمليه وما افكر احمل الا بعد سنتين يكفي العذاب اللي شفته

انا ربيت بقيصرية في بكري والعيب مو فيني والرحم انفتح 10 سم..ولكن وضع البيبي ما ساعد كان متجدم بكتفه..وكملت 24 ساعة طلق وتعب .. والمرة الثانية تمنيت طبيعي..ولكن قدر الله وماشاء فعل وبنتي توفت في بطني في الاسبوع ال 27

والدكتورة نفس الكلام قالتلي أقصى عدد ولادات 4..ولكن في حريم يجازفون ويحملون ب 5 و 6..وكل إنسان حسب جسمه..

يعني أنا خليت بين حملي الأول والثاني سنتين..والحمدلله ما حسيت بآلام في الجرح..والحينه كملت 3 سنوات عقب الحمل الثاني..

فهالأشياء ممكن تزيد فرص الحمل أكثر عن 4 بدون ما الرحم يتعرض للانفجار لاقدر الله..

وطالما انتي ربيتي بقيصري وكانت المشكلة في البيبي..خلاص فرصك كبيرة بإذن واحد أحد..إنت تريي..وابدي امشي يوم تخلصين 6 شهور بالتمام والكمال حتى يكون الجرح التئم داخلياً..

وإذا تشربين (مرة) فهي وايد زينة..ومفعلوها مثل المضاد الحيوي..وهاي شكلها

حجمهم صغار..تشربينها شرات الدوا مع ماي..

انا كنت حتى أحط 4 أو 5 حبات بعد أن أغسلها مضبوط..وأنقعهم في دبة ماي مسافي صغيرة..وانا في المستشفى أمسح بقطن على الجرح..وماشاء الله..الدكتورة كانت تمدح الجرح وتقول انه وايد التئم بسرعة وانشد..

وهاي نصيحة حرمة عيوز جزاها الله خير..