اتصلتبها و بصراحه كانت وايد لبقة و كلاس في كلامها معاية. حجزت معاها و كانت المناسبه مكسار اعز صديقاتي.
الموعد كان الساعة اربع العصر وانا وصلت قبل الموعد بربع ساعة وكانت تنتظر.
في البداية سألتني شو أحب و اذا حابة شي معين والألوان وكانت بصراحه جدا راقية و لها خاطر طيب ونفس حلوة مب شرات حد من اللى يمكيجن فيهن نفس مادري عشو. المهم قلتلها اريد اسبشل.
على فكرة انا ماسوي وايد مكياج لأني ما أثق وايد و يمكن في السنه اسوي 3 او 4 مرات بالكثير. احب اتعدل بروحي. بس شفت اللوكات اللى هي منزلتنهن ووايد عجبني شغلها. على فكره تراها ماتستخدم الفوتوشوب مثل البعض.
بدت تمكيجني و بعدين اتصلتبي ربيعتي و كانت تدور صالون عشان تسشور شعرها وكل الصوالين اللى تعرفهن كانن مشغولات . نسيت اقول ان الحفله كانت الجمعة يعني من يومين و هاي ربيعتي اصلن فنانة في الميك اب و لا حد يعجبها بس مشكلتها بطيئة ومالها بارض.
المهم دلتيها عالصالون اللى انا كنت فية ووصلت. بصراحه وللأمانه وايد وايد عجبها مكياجي لدرجه انها طلبت من الظبيانية تمكيجها وهذيج الساعة تأكدت ان المكياج اكيد حلو دامه عجب ربيعتي وخاصة انها تمت تدقق في دمج الالوان.
في الحفلة الكل عجبه مكياجنا وربيعتي قالتلي شو خليتي حق العرس.
الميكب كان على الخليجي وكان بنفسجي على وردي و لربيعتي ازرق على فيروزي.
مشكووووووووووووورة يالظبيانية على شغلج الحلو وقبل الشغل ذوقج و اسلوبج الحلو.
على فكرة تراها اتي البيت او في الصالون اللى هي تتعامل معاهم.
ياريت اقدر احط شي من الصور بس بوالعيال محرص علي.
والله ماقصرتي يالظبيانية وتسلم ايدج……….
But belive me she is very very professional.
دومها مميزة ف شغلها ربي يوفقها ……