حبيت أخبركم عن تجربتي مع الكيراتين اللي مسوي ضجه في المدونة والصوالين ..
أنا مسويه الكيراتين بتاريخ 10 112017 كان يوم الثلاثاء .. في أحد مراكز التجميل بالفجيره ..
أخذ مني الكيراتين تقريبا خمس ساعات طبعا أنا سويته لان شعري بعد الحمل والولاده تعب وصار متقصف وجاف نوعا ما ..
وقبل ما أقرر أني أسوي الكيراتين .. كلمت صاحبه المركز وأكدت لي بنفسها أن 99% بيخف التساقط والتقصف وبيتكون في لمعه بشعري يعني ..
المهم سويت شعري وعطوني منتجات كادوس عبارة عن شامبو وحمام زيت وأمبولات وسبري. للإستخدام بدل من الشامبو العادي ..
كلفتي الكيراتين 1800 درهم مع منتجات كادوس 400 يعني 2200 طبعا في دبي أغلى ..
المهم كل من شاف شعري في البدايه انبهر .. وقال حلو ..
بعد أسبوع بدت القشره في شعري لأول مره بحيااتي ..
بعد أسبوع بدت القشره تخف وبدى التساقط والتقصف مره ثانيه وأكثر من أول … ولا كأني مسويه الكيراتين ..
كلمت صاحبه الصالون حاولت قالت لا يستحيل ويمكن شعرج ما تقبل الكيراتين ومن هالكلام وقالت لي تعالي أشوف شعرج وأسوي لج فحص بالكمبيوتر ..
وطبعا موعدي معاها يوم الأحد 20242017
وبنشوف شو اللي بيصير ,, بس خوااتي أنصحكم لاتسسووونه الا بعد ما تتأكدون ..
وللحديث بقيه ….
وحيااكم الله ..
بالعكس يبهدل الشعر
ماشي احسن من انكم تتركون الصبغ و هاي الكيماويات
وانا شفت كم وحدة في الصالون يشتكون ان حرق شعرهم وسبب لهم تساقط فظيع وقرع شعرهم
وسمعت وقرأت ان حتى ريحة الكيراتين تسبب سرطان اذا يشمونها
اذاً كيف علاج وهو يسبب سرطان وامراض ويخرب الشعر ويتساقط بغزارة !!!
وليش ما يصير يستعملون الا منتجاته وبس وطبعا كلها باهضة الثمن !!!
كله كيميائيات ومضار وكلها دعايات تجارية لتحسين صورته وبيعه
والله المستعان