تجربتي مع الزيوت الي فادتني … اول مشاركه لي بالمدونة :)

شخباركم بنات .. ان شاء الله بخير وبصحه وعافيه وسلامه … حبيت اليوم اكتب لكم تجربتي مع الزيوت الي قريت عنها وايد وسالت في المحلات من هنود وايرانيين وجنسيات كثيره … ماخليت حد ماسالته D: كله عشان اعدل شعري … بحط لكم الزيوت الي فادتني وحاليا استخدمها وهي مفيده كثيرا وبصراحه اذا داومتي عليها واستخدمتيها بانتظام واخيرا ابتعدتي عن شيء اسمه…. سشوار… الي كلنا ما نستغني عنه بس حاولو تخفوون منه وخاصه يا بنات الي ندرس بالكليات والجامعات ونحن اجازه بالبيت ابتعدي عن شيءاسمه سشوار بالمره وخلي شعرج يرتاح وادهنيه واعتني فيه يوميا او اسبوعيا

الحين بحط لكم صور الزيوت الي استخدمها وبذكر فايدتها

اول زيت على اليمين زيت الخروع ومن منا ما يعرفزيت الخروع وفوايده :

يوقف التساقط ويغلظ الشعر ويطوله وبنعمه

الزيت الثاني في الوسط زت دابر املا واكيييد مار عليكم بعد لان الكل يشتكي من ريحته بس انا احبها لووول … بيني وبينكم انا عندي قاعده ان اي زيت ريحته قويه والكل يقول عنها ****ه يكون زين للشعر ومغذي ^____^ … وفوايده:

يطول الشعر ويكثفه ويسوده زياده وينعمه بعد

الزيت الاخير .. انا احس مافي ناس وايد تعرفه عشان جي بغيت اخبركم عنه .. اسمه زيت ترشوب .. زيت هندي ريحته مثل الدوى اذا شميته بس بعد مفيد للشعر وتحسين شعرج صحي في فتره حلوة… فايدته هالزيت انه :

يطول الشعر اسرع من الخروع وبصراحه عن تجربه مني وحسيت شعري صار ملمسه انعم وطول ويقضي على القشره وتساقط الشعر ويغذي لج فروه راسج .. بس بيني وبينكم انا ماستخدمته روحه يوم شريته … لما دخلت المحل ال خذت منعندهم الزيت سالت الريال شو عندك شيء يطول الشعر بسرعه قالي: خذي هالزيت الي هو ترشوب وزيت الحيه وشمع النحل ..الي براويكم صورته الحين.. واخلطيهم وي بعض واستخدميه ^____^ … طبعا اناقلت شو ورانا دام اجازه نجرب ما ورانا شغله

..وهاي صوره زيت الحيه وشمع النحل الي استخدمته ..

..بقولكم الطريقه الي كنت استخدم فيها هالزيوت ..

كنت اخذ زيت الخروع واخلطه مع دابر املا …… ونفسه هوه زيت الخروع اخلطه مع زيت ترشوب وزيت الحيه وشمع النحل

الخلطه الاول يا بنات كنت استخدمها من اسبوع لاسبوع بمعنى قولو من ويك اند لويك اند بس من احطها اليوم الثاني واغسل شعري احس شعري احسن عن قبل يرقد واحس ملمسه يصيير احسن عن قبل مع العلم بنات ترى انا شعري مب ناعم ولا خشن وسط

الخلطه الثانيه كنت استخدمها بشكل مو يومي قول يوم احطها واليوم الثاني اغسل شعري واخليه يرتاح واليوم الي بعده احط مره ثانيه وارد اغسله وجيه يعني 4 الى ثلاث مرات بالاسبوع لين ما ايي الويك اند وارجع احط الخلطه الاولى

الحمدلله خواتي شعري بصراحه صار احسن من قبل بوااااااااااااااااايد قبل شعري كان يطييييييييييح وتالف وحالته النفسيه مووووول مره تعبانه … بس الحين الحمدلله … بنات قبل يوم اغسل شعري شعري كيرلي انا يصيير كيرلي بس كشششششششششششه … الحين الحمدلله اغسله يكون راقد وملسمه نااااعم وطول اكثر عن قبل وصل تقريبا لنص ظهري لانه كان قبل مووول ما يطول وصار غليظ اكثر عن قبل واحلى … والفايده يوم عندي عزيمه ولا حفله اروح الصالون واسوي شعري يطلع حلوو ويوم اسشوره احسه حلوو وراقد … بس قبل كنت اشوووف اسبرنقات واقفه فوق راسي ماترقد موووليه لووووووول

الحين فيه زيت قريت عنه في مدونة ثاني اسمه زيت الخردل ويبيعووونه في الجمعيه رخييص … قريت انه يطول الشعر بسررررررررعه بزياااده وينبت الفراغات وينعم الشعرويخليه صحي .. وعلى قولت الي كانت كاتبه الموضوع في المدونة الثاني انه يطول الشعر بصوره مش طبيعيه …وبصراحه يا بنات ناويه اجربه من اليوم وبخبركم بنتيجته اول باول من استخدامه …. هاي صوره الزيت للي حابه تجرب وياي وتساندني في محنتي

ادعولي يا بنات بالتوفيق والزوج الصالح والذريه الصالحه للي بتستفيد من تجربتي
نصيحه لكم يا بنات يوم تستخدمون الزيوت واضبو عليها مو اسبوع وتقولين خلاص مافادني ماسوا شيء ..واتمنى الكل يستفيد من قلبي بس لا تنسووون الدعاء