أنا بعطيكم تجربتي البسيطة والمتواضعه، لكل واحد تتمنى اتشوف ضناها .. يمكن مشكلتي اسهل عن واايدات منكم لأن الله كتبلي الحمل على الرغم من اني طيحت مرتين .. وتمين تسع اشهور اتري موعد الدورة وادعي انها ما تيني وأكون حامل .. وصدقوني يمكن خلصن درزن تحليل حمل منزلي بس عشان ما فيني صبر .. وأبغي أعرف في وإلا مافي ..!!
المهم / أنا ما خليت عياده من دبي للشارجه للبريمي إلا ورحتلها ..ما خليت دوا إلا وبلعته !!!!!!!!
نفسيتي صارت في الوييييييييييل والله العظيم ..
بقولكم سري ،، أنا كنت امطلقه وعندي ولد الله يحفظه عمره ست سنوات .. بعدين الله رقني بزوج صالح
كان يبغي عيال طبعا ً بس مب في البداية،، قبل العرس حطيت لولب وخليته ستة أشهور بس اتلعوزت من الإلتهابات فشليته وعقب أربعة اشهور حملت ،، وما تتخيلون فرحتي كيف كانت .. بس الحمدالله رب العالمين وقف نبضه في الشهر الثالث ..وسويت غسيل ..
صح كل شيء يصير بإذن الله .. بس كنت مستعجبه ليش وقف نبضه ،، ليييييييييييش، ليشششششششششش
وتمين تسع اشهور ماحملت ……. قالولي تكيسات ، وانسداد .. بلعت ادوية اشكثر – ومايستوي
.. قالي زوج انتي عليج عين ؟؟؟؟؟؟
في مطوع في عجمان الله يجازه كل خير يارب .. اسمه الشيخ مراد / بوعبدالله
رحتله وقرا عليه اتصدقون شو قال / انتي في في بطنتج عمل
اتخيلي .. عمل أنا ما بحط في ذمتي بس أنا شاكه في أهل طليقي . والله أعلم لأن ما جت ضريت حد والحمدالله ولا حد يحقد علي …….!!
تعرفون صح السالفه ألين ألحين مب داشه راسيييييي،، بس أنا أحمد ربي أحس انه يحبني يعني المدة إلا تميت فيها امطلقه واستمرت خمس سنوات .. كانت ذنوبي تطيح بإذن الله وأنا مستضره ..ويمكن ذنوبي طاحت وقمت آخذ من حسنات إلا امسونها فيني ..
المهم عالجني المطوع وفي نفس الشهر واللهم لك الحمد والشكر طلعت حامل ..
اللهم تمم علي حملي ،، بعدما رزقتني به .. اللهم ارزق كل محرومه بالذرية الصالحة
ياكريم ياكريم ياكريم
يا رزاق يا رزاق يارزاق
انا سويت حجامه رطبه .. خذت أعشاب خلطة مرقدوش مرامية شربتها – سويت رياضة مشي يوميا ً نص ساعة وتمارين اوروبيك في البيت ربع ساعة
شربت ماي على الأقل أربع دبات صغار..خففت من السكريات .. قمت آكل ملة سلطة قبل الغدا كل يوم
خذت حبوب فيتامينات ومضادات اكسدة اوميغا3 .. وحبوب كلوكوفاج ..
أهم شيء خففت وزني معني مب متينه وزني طبييييييييعي ..سويت حجامه رطبة بالدم عند أم إبراهيم – وهي واايد واايد شاطره .. وإلا تبى تعطيها بعد خلطة عسل أصلي اتقول واايد خذوها وحملن عقبها بسبوعين
اتنمى أكون فدتكم
والتوفيق للجميع ..
لوسمحتي ممكن رقم الشيخ وكم ياخذ؟؟
اللهم ارزقنا آمييييييين
و ممكن رقم الشيخ و رقم ام ابراهيم؟؟
انا حملت مره و سقطت و كملت سنه و نص و ماحملت بعدها….
الله كريم و الحمدلله على كل حال
ويزاج الله ألف خيـــر