تجربتي الناجحه مع علاج فراغات الشعر لبرة صحية

السلام عليكن بنات، حبيت افيدكن بتجربتي مع علاج الفراغات او الصلع في فروة الراس

كان شعري كان غليييييظ، و عقب بدا يخف، و عقب لاحظت الصلع في فروه الراس

خاصه من جدام

و انحسار الشعر

اكتئبت واااايد و نفسيتي وااايد تأثرت

رحت عند الدكتوره xxx ، قالتلي اسوي ميزوثيرابي مره كل ثلاث اسابيع، و للعلم انا سويت بس مره، و عقب انشغلت وما سرت، و وصفتلي السبراي اللي ارفقت صورته، و بعد شهرين لاحظت انه الشعر بدا ينبت في الفراغات حتى اخر الجبهه طلع فيها شعر، و الدكتوره عطتني كذا نصيحه، مثلا يوم أكون فالبيت أخلي شعري مفتوح ، وكل مره أغير مكان القذله، موب دايما أردها على ورا

اسم السبراي hairgainer for women 2%

طريقه الاستخدام:

1- مرتين فاليوم
2- 8 رشات لفروة الراس، و ابتعدي عن الجبهه بمقدار 4 سم
3- سوي مساج لدقيقتين لفروة الراس
4- اغسلي ايدج بالماي و الصابون
5- ممنووووووع الاستخدام قبل النوم مباشره ، على الاقل قبل النوم ب 3 ساعات
6- اذا طاح على مكان بالغلط فورا اغسليه بالماي والصابون
7- لازم تكون فروة الراس نظيفه، و موب مدهنه
8- ممنوع للحوامل و المرضعات

يا بنات ،قالتلي الدكتوره عن وحده استخدمته قبل لا ترقد و عقب نبت الشعر في وييهها

انا كان يطيح ع يبهتي ، و مع اني غسلته بالماي بس نبت الشعر و كان المفروض اغسل يبهتي بالصابون

أتمنى كل وحده تعاني من الصلع و الفراغات ، تلاقي النتيجه نفسها و ترتاح نفسيا

و مابا منكن غير دعوه حلوه

( اللهم ارزق ملاك بوظبي الزوج الصالح و وفقها في دراستها)

( اللهم ارزق ملاك بوظبي الزوج الصالح و وفقها في دراستها)

اللهم امين

انا الحمد لله ما اعاني من الصلع
بس اذا ابغي اكثف شعريه يصير استخدمه

مشكوره فديتج، ما تقصرين

استخدميه اذا بس عندج فراغات في فروة الراس

اب اب اب

////////////////////////////////////////////////