حابة اسالم اللي عندهم خبرة
انا بنتقل لشقة صغيرة انا وريلي بس
ف بشتري غسالة وثلاجة وغاز طبعا
ممكن تفيدوني شو افضل ماركة لكل شي
واهم شي عندي الغسالة يا بنات شو تنصحوني
اخذ مال التعبئة الامامية ولا
وابا غسالة تغسل وتنشف بنفس الوقت لان تعرفون الشقة ماشي مكان لنشر الملابس وجي
ممكن تفيدوني بلييييز
بالبركه عليكم الشقه.. الله يهنيكم فيها ان شاء الله
أنا متحوله شقه من جريب بعد ورحت كارفور وشتريت:
ثلاجه ماركة DAEWOO العامل اللي هناك نصحنا فيها
غساله ماركة Whirlpool التعبئه الأماميه يقولون توفر ماي أكثر عن اللي فتحتها من فوق.. تغسل وتنشف بس بعد اتم الملابس شوي رطبه لازم تنحط فالشمس.. فخذيت المعلاق اللي نعلق عليه الملابس وحطيته فالبلكونه
الفرن خذت ماركة Glem Gas اوتوماتيك يعني يشتغل بالكهربه مايحتاي كبريت
وان شاء أكون أفدتج
المشاركة الأصلية كتبت بواسطة عروسة الصيف 
بالبركه عليكم الشقه.. الله يهنيكم فيها ان شاء الله
أنا متحوله شقه من جريب بعد ورحت كارفور وشتريت:
ثلاجه ماركة DAEWOO العامل اللي هناك نصحنا فيها
غساله ماركة Whirlpool التعبئه الأماميه يقولون توفر ماي أكثر عن اللي فتحتها من فوق.. تغسل وتنشف بس بعد اتم الملابس شوي رطبه لازم تنحط فالشمس.. فخذيت المعلاق اللي نعلق عليه الملابس وحطيته فالبلكونه
الفرن خذت ماركة Glem Gas اوتوماتيك يعني يشتغل بالكهربه مايحتاي كبريت
وان شاء أكون أفدتج
مشكوووورة الغلا
ما خبرتيني كم كلفتج تقريبا
والثلاجة ال جي
والغسالة لا تاخذي غسالة و ومجفف بنفس الوقت
لا خذيهم منفصلين عشان توفري الوقت
خذي غسالة اتوماتكية امامية انا عندي دايو وايد حلوة غسيل 7 كيلو وبنفس الوقت مجفف تجفيف 9 كيلو
بس طبعا خذي المجفف منفصل مثل ما قلت لج يقولوا احسن
وغسالة صحون ال جي
وموفقة فديتج ,,