سلاااااااااااااام
بنات انا وايد محتاره بنتي فديتها وااايد فيها مغص وبطنها ما يمشيها دوم حتى يوم اتيها الوجعه تنش من الرقاد اتصيح وترد ترقد 
ماعرف شو اسويلها عطيتها خيار جمبر واعطيها انفاكول وماي وسكر نبات وماي وسكر محروق وكل شي تقريبا جربناه معاها بس بعدها نفس الحاله حتى خيار جمبر اللي يمشي البطن على طول ما سوالها شي
واللي محيرني اكثر يوم طلعنا من المستشفى الحمدلله برازها لونه اصفر وهالطبيعي بس كم يوم رد جلب عالاخضر الغامق وبطنها واااااااااايد فيه غازات دوم اتطلع ريح وريحته وايد كريهه !!!
للعلم انا كنت اعطيها حليب اس اتش 26 والحين قمت اعطيها سيميلاك 1 وشووووويه من صدري مب وايد تشرب
هل هالشي طبيعي وديتها المستشفى الدكتور قالي عادي ويمكن لانها مزكمه فيها غازات زياده ….
بس انا ما اقتنعت امي تقولي يمكن
بروده ضاربتنها
فيدوني …
شوفي سميلاكحليب رائع بس يسبب غازات وامساك هذا من تجربتي في بنتي السابقه حاليا اعطي بنتي بيبيلاك مافيه غازات وايد بس اسمعي اذا كنت اترضعينها من صدرج شوفي اذا عندج امساك او غازات بتتاثر البيبي
لا تشربين حليب انتي لانه يسبب غازات وحاولي مايكون عندج امساك وسوي حق البيبي مساج في بطنها وحطيلها اشويه ابو فاس مب الحار الاخضر وسويلها كمون اشويه
اطحنيه وحطيه في شاشه وحطيه في الماي واعصريهفي فنجان وعطيها علي الاقل ملعقتين من دون سكر وانشاالله بيخفف الالم
وحاولي اتحطيناه علي بطنها علشان اطلع الغازات ولازم اتخليناه تدسع بعد كل رضعه علشان ما تكثر الغازات وحاولي اتسويلها مساج بريولها علشان اتساعدينها اطلع الغازات وشوفي تري طبيعي كل الاطفال في بدايه العمر يستويلهم غازات لين 4 اشهور لا تخافين حاولي تمسكينها من بطنها وتتمشين فيها بعد ما تسوين كل الي قلته لج واذا تريدين اي شي اناحاضرة توني والدة من جديد مثلج بنتي عمرها شهر والله بيسهل
مشكوووره فديتج عالرد ومنكم نستفيييد
الغلا دهني بطنها بزيت زيتون وااايد زين وبعد بوفاس القطرة وتمي دهني بطنها بدوااير و ان شاءالله كل الغازاات بتظهر انا بنتي جيه كانت بس الحمدالله الحين يووم تجدء ترقد مرتااحة وعصريلها عنب شووي في اثمها لانه يمشي البطن الدكتور قاالي جيه يووم كانت بنتي صغيرة في الاربعين و الحين من بديت اعطيها حليب ببيلاك ورضعها من صدري بطنها يمشيها واحسن عن قبل مب مثل قبل في الاسبوع مرة
كل اللي قالوها لج الخوات صح وأنا كنت أسوي حق ولدي جذي..كان في عز نومه ينش ويصيح من الغازات أشيله وأقعد أمسح له بطنه وأمشي فيه شوي في الغرفه والحمد لله..وصح إذا إنتي فيج إمساك ولا إسهال ولا غازات ينتقل لا إله إلا لله للبيبي علشان جذي حافظي على أكلج ولا تأكلين أكل سبايسي أو أي نوع يسبب غازات وأبتعدي عن الأشياء اللي تسببها مثل المشروبات الغازيه واللي فيها كافيين يعني شاي وقهوه والحليب يسبب غازات بعد..كلي خضروات وفواكه وكلي خس يدر الحليب ولا تعطينه ماي وسكر لأنه يسبب غازات..في وحده من الخوات جزاها الله خير قالت لي عن طريقه واااايد تريح البيبي..في المرضعه حطي ورقة نعناع أخضر بعد ما تغسلينها وصبي فوقها ماي حار وشووووووية سكر وخليها لما تدفى وعلى الليل شربيها للبيبي قبل ما ينام بتريحه وااااااااااايد..وترى الحليب الصناعي هو اللي يغير لون البراز…وشو بعد أمممممم هيه إذا البيبي وااايد عنده أمساك يعني يتبرز بين كل يومين أو ثلاث أيام عطيه تحاميل الجلسرين بتحصلينها في الصيدليه عطيه نص تحميله بس يوم وترك يوم وبعدين بتشوفيه بروحه بيتعود يتبرز بدونهم أنا ولدي تم جذي مدة شهر وأكثر وتخلص العلبه ةأخذله غيرهم بس كنت أعطيه يوم وأترك يوم مده أسبوع وبعدين ما أعطيه أشوف بيقدر يتبرز بروحه ولا وإذا ما تبرز في ثالث يوم أعطيه وبعدين بروحه تعود يتبرز بدونهم وعطيه ماي لأن السوائل تساعد في تليين الأمعاء..وعن الحليب الصناعي أنا الدكتور غير لي الحليب لحليب أسمه نوفلاك آي تي هذا خاص بالأمساك وفي منه بعد للمغص والأفضل تسألين الدكتور عنه وتشوفين يمكن ينفع له..إنشاء الله أكون أفدتج ولو تبغين شي ما يردج إلا كيبوردج..والسموحه
اختيه بالنسبه لللغازات يانسون وايد اوكي……….. قد ما تقدرين سوي مساج للبيبي
والخوات ما قصروا