بنات هالأيام ما يخلون الواحد مرتاح رعاية الاطفال

سلام سيدات هذه اول مشاركه لي وللاسف تعور القلب
بس قلت بقولها سبحان الله يمكن تفيد انسانه وتغير من تفكيرها

تخيلوا اختي الصغيره في مرحله الاعداديه زميلتها في الصف من جنسيه عربيه عندها تلفونين

بلاك بيري من الفريندز حقها واللي انصدمت منه ان اختي عرفت منها ان امها الله يصلحها

مشجعه بنتها الطفله على هذا الشي لا وموصيتنها ما تتعرف الا ع الشباب الاماراتيين بغض النظر عن العمر والحاله الاجتماعيه لا وممنوعه منعا باتا تتعرف على شباب من نفس

جنسيتها !!!! والله حسيت عمري عايشه بعالم غريب وين غيرة الام ع بنتها؟؟؟؟

وحاليا الطفله متعرفه ع رجال متزوج

الغريبه اني يوم قلت لاختي هذولا ناس وسخين وينعرفون من اشكالهم اختي قالتلي ابدا البنيه متحجبه بضمير احسن عني وامها يت المدرسه اكثر عن مره ولبسها محتشم بالقوووو !!!!!!

انا عارفه ان اصابع الايد مو سووى بس بنات احذرووا يوم تختاروون صديقات , لا تدخلون اي احد بيتكم والله اني اعرف وحده زوجها تزوج عليها من اعز ربيعاتها اللي كانت متزوجه من ولد عمها وعندها منه عيال واصلا هي اكبر من ريلها بسنين ومو حلوة ابدا وكانت صدمه قويه لهذه الانسانه المخدوعه

ما اقوول الا الله يستر علينا وعلى جميع المسلمات

اسمحولي <<<<<<وحده هاده ريلها ومريحه عند اهلها كم يوم وقلبها وفكرها مع ريلها

الله المستعان