بنات منو تعرف ((( كريم الحسان ))) تعالوا شوفوا السحر واللي ماصدقته عيني هنا الحل

الصراحه بنات من الصدمه ماقدرت انتظر لين باجر قلت لازم اخبركم بالسالفه المهم ……

توني راجعه من برع ويا ريلي ومابتصدقون اللي صار انا نفسي اصلا ماصدقت دخلت اسواق الظيت اكيد بنات راس الخيمه يعرفونه المهم اخذ شوي اغراض وكريمات المهم طاحت عيني على كريم مكتوب عليه (( كريم الحسان )) مصنوع في كشمير باكستان ومرسوم على العلبه حرمه وجبل ثلج ابيض وأونه يخلي البشره بيضاء وناعمه بس الصراحه كتابتهم مب واضحه وايد المهم خذته ومن دخلت البيت سرت على طول غرفتي وفتحت العلبه جان اشوف لكريم لونه ابيييييييييييييييييييييييييييييض وايد المهم خذت شوي وحطيته على ايدي ومسحته على طول امتصته ايدي ونشف جان اسير في نفس اللحظه اغسل ايدي عنه لان ريحته شوي قويه بس بعد مانشف خفت الريحه بس قلت بغسل ايدي احسن عن يشمه ريلي ومايعيبه .. وهنيه كانت المفاجأه ايدي صارت بيضااااااااااااااااااااااااااااااااااااااااااااااء والله عيوني صارت جيه مب مصدقه شسالفه شو ها لكريم السحري .. قلت في نفسي يمكن اتوهم جان احط ايدي الثانيه عدالها شفت اللون غير هاذي افتح وأنعم بواااااايد بعد صارت عيني جيه خخخخخخخخخخ الصراحه انصدمت جان اقول خل اتأكد اكثر وقوم احطي شوي من لكريم على ايدي الثانيه وفركه وعقب غسلته واااااااااااااااااو صدق يوم قالوا انه يخلي الوحده بيضاء مثل الثلج بس انا غسلته بسرعه لاني خفت منه لاني مادري على شو يحتوي بالضبط وشو مكوناته
فقلت خل اسألكم اذا حد منكم يعرفه يفيدنا او اذا تعرفون باكستانيه ياريت تسألونها عنه بليــــــــــــــــــــــــــــــــــــزز لانه اذا مافيه مواد ضاره والله زين بيخلي بشرتنا نفس بياض الثلج اذا في ها اللحظه خلى ايدي جيه شقايل اذا استعملته كل يوم وبنتظام ؟؟؟؟؟؟: أكيد بستوي قشطه12 (45):

وعلى فكره بنات ترا انا مب سمرا .. انا بيضاء بس البياض العادي المتداول عندنا خخخخخخخخخخ حلوه المتداول خخخخ
المهم خواتي انا صورته لكم وبحطيلكم الصوره وياريت اللي تعرفه ولا سامعه عنه اتفيدنا وعلى فكره العلبه فيها لكريم وفيها بعد بودره في بلاستيك صغير اعتقد يحطونه فوق لكريم لاني مثل ما قلتلكم الكتابه مب واظحه وايد احس الباكستانيين مايعرفون يكتبون انكليزي زين خخخخخخخ

وياريت انحصل حد يعرفه علشان يفيدنا

ان شاء الله البنات يساعدووونا ^_^