كروشات : الله يقومكن بالسلامه يا رب .. ويسهلها عليكن ..
امهااات: الله يعينكن ع تربيه عيالكن .. والله يجعلهم من الصالحين البارين ..
متزوجات ومتأخرات ف الحمال : الله يعطيكن يا رب .. ويرزقكن بالذريه الصالحه .. ويقر عيونكن بشوفة ضناكن..
عزابيات : الله يوفجكن ويرزقكن بالزوج الصالح والذرية الصالحه يا رب ..
الحمد لله .. ربيت ويبت احلى قمر .. يبت شهوووده ربي يحفظها لي ولأبوها ولعزوتهاا.. وللي يحبووونها يا رب ..
والحين بخبركم كيف ربيت وامتى ربيت .. وشو احساسي كااان ..
هاذا الله يسلمكم .. عاطيني اربي بتاريخ 2-9 .. وبتاريخ 30-8 ع الساعة 7 الصبح وعيت وسرت وخذيتلي شاور .. وسرت ووعيت ريلي .. ع اساس يروح يوصل اخوووه المستشفى ..
المهم طلع ريلي ويا اخوووه .. وانا يلست اطالع التيلفزيوون .. وهب حاسه بشي طووول ..
وفجأه …. ع الساعة 8 am
ياني ويع بسيط ف منطقة الحوووض .. من الظهر لين البطن .. وكان خفيف .. كان اييني كل خمس دقايق .. ومنتظم .. انا شكيت ع طول انها ويع ولاده .. ويلست رايحة راده .. رايحة راده ..
ويلس كل شوي يزيد .. ويزيد الويع .. لين الساعة 9:45 اقوم اتصل بريلي .. واقوله اذا خلصت تعال امره ..
هو شك .. قالي شي فيج ؟؟ قلتله حاسه بشوية ويع بس لا تحاتي ..
عاد هو طاااااااااااار من الفرح .. وقالي ولاده ولاده خخخ
المهم ربع ساعة وكان عندي .. وشافني اطالع الساعة .. وجان اقوله الويع منتظم .. كل 5 دقايق اييني .. عاد هنيه هو قالي اتلبسي بوديج الدختر .. تلبست وانا افكر .. لانه ما نزل عليه اي شي .. لا الماي ولا الوصاخة .. قلت ف خاطري شكلي مطوله ..
بس تحت اصرار الزوج سرت الدختر .. وحطولي التخطيط .. ويلست من الساعة 11 الصبح لين 4 العصر عندهم حاجزيني وريلي حليله تعبان يبا يرقد .. جان يقولي لزي ابا ارقد .. ولزيتله ورقد عدالي فالشبريه خخخ .. جان يدخلن السسترات ويشوفنه .. والحبيب عايبتنه الشبريه ما فز من رقاااده .. ويوم شافهن يطالعن مستغربات جان يقووللهن تعبان شو اسوي .. يريد يسوي نوووم خخخ .. انا رحمت ريلي وتعبت من يلسة الدختر .. جان اقوللهم ابا اظهر .. ويتني الدكتوره قالتلي انتي فيج ويع ولاده .. خليني اشيك ع النفس اذا فاتحه .. ودخلت ايدها فالمغاره .. جان اتقولي ماشي النفس هب فاتحة عندج ..
قلتلها انزين بظهر .. قالتلي انزين بس اذا حسيتي باي شي زياده ردي ..
طلعت من عندهم والويع يزيد ويزيد .. وانا طووول ما اروم ايلس .. لان اذا يلست وياني الويع بيعورني اكثر .. ويوم امشي ارتاااح …
جان اتصل باختي واخبرها السالفه .. جان اتقولي سيري امشي .. عشان النفس تفتح عندج ..
وع الساعة 11 فالليل يلست امشي فالحوض واشرب زعتر .. وعقبها مسكني ريلي ويلس يمشيني برع البيت .. عاد انا ف نص الطريج .. اقول حق ريلي ما اروم اثور والا اتحرك من مكاااني .. ع طول وصلنا البيت وشل شنطتي وظهرنااا سرنا الدختر ..
ويوم وصلت هناااك شيكوا ع النفس وحصلوهااا فاتحه 4 سانتي .. وانا عااادي عندي .. فيني ويع .. بس هب الويع اللي يخليني اصرخ .. واتصلنا ع امي ع الساعة 2 فالليل وقلنالها النفس فاتحه 5 سانتي .. بعد نص ساعة افتحت 6 سانتي .. فجأة اتيني النيرس وعطتني ابرة فالحوض .. قالتلي هاي مخدر .. وانا حليلي طمة ما اعرف لهالسوالف..
الويع يزيد وانا ما اروم اتحمل .. وريلي وامي حواليه .. ريلي يلس يقرأ عليه .. وامي تدعليه ..
فجأة يت النيرس وعطتني مخدر اتنفسه وشيكت ع النفس وجان ينفتح المااي وينزل .. وتم يزيد عليه الويع وانا اتويع .. لفيت ع ريلي وقتله (سامحني اذا رعلتك بشي. وانا وايد احبك ……………………………………….) ريلي ما رام يتحمل هالكلام .. جان ينزلن دموووعة .. يوم شفته دمع يلست اصيح ويوم يزيد عليه الويع اصيح زياده ..
وتميت من اييني الويع اتنفس المخدر .. واحسه يبرد عليه وارقد .. لكن من اييني الويع انش واصرخ ..
تميت من اييني الويع انش واصرخ وريلي يرد يحط المخدر لي ..
جان تتصل ختيه تتطمن عليه .. ويوم عرفت بانهم عاطيني مخدر احتشرت وقالت لا تعطونها .. اونه يأخر الولاده ويعسرهااا..
عاد ريلي قطعه عني .. وتميت من اييني الويع اصارخ .. ما اروم اتحمله .. واصيح ..
ويه الفرج .. النفس فتحت عند 10 سانتي .. وياني شعووور اني ابا ازفر .. بس ما قدر لان راس الياهل كان منخش تحت الورك .. وغير ان الويه كان مرتفع ع فووق .. يعني الولاده اصعب واصعب ..
جان يلفوني ع ينب ويقولولي لا تزفرين .. لان البيبي بيتعب ..
ما قدرت .. بس الحمد لله اعتدل الراس وصار فالنص .. بس الويه تم ع فوق ..
المهم تم ريلي يروح ويرد .. وانا ازفر وهب رايمه .. وكل ما اشوف ريلي دخل الغرفه .. اطرده ..
لاني ما اريده يشووف هالسوالف .. بس كان عنيد .. كان يتخشش بحيث اني ما اشووفه .. كان بس يبا يشووف ويهي .. ولما اشوووفه .. كنت اشووف ف عيووونه الخوووف والحزن ..
تميت اصرخ I cant I cant وهن يالست لي يقوللي .. Yes you can
وتميت ازاعج ما عندي غير هالجمله .. ما قدر طوووول ازفر .. لني ما عرفت كيف ازفر ..
لين ما يتني دكتوووره حبوووبه … وقالتلي يوم بييج الويع ازفر كانج عزكم الله تبين اتسيرين الحمام .. هب من جدام .. من ورا خخخخخ
ويلست اسوي شرات ما قالتي .. يلست من الساعة 6 الصبح وانا ازفر .. لين الساعة 9 ونص .. قالتلي اذا ما قدرتي نحن راح انسويلج طلق صناااعي .. لان الجنين راح يتعب ..
لكن كانت هناااك نيرس يلست اتشجعني وامي يلست نفس الشي اتشجعني .. واتوايق تحت واتقولي الراس بادي يظهر ..
بس للاسف ما قدرت .. راح ريلي يوقع ع الطلق الطناااعي .. وسلم الورقه .. وكانت العده عدالي عشان الطلق الصناااعي ..
فجاة اسمع النيرس تصرخ يلا سوي بوش.. the head is camming out
وانا اصرخ l cant ونفس الوقت اصيح
وفجاة ظهر الراس .. وبعدها امره الجسم .. وما حسيت الا ان روحي ظهرت .. بس من شفت نونوتي فديتهااا نسيت ويع الدنياا كلهاااا..
تميت الا اطالعهااا .. وسبحااان الله .. هي بعد كانت اطالعني .. واشوووف ريلي يطالعني ويضحك وعيوونه تدمع..
ويلست اصيح واحمد الله .. وانتهى كل شي ع خير وسلامه.. وربيت ع الساعة 10 الصبح الحمد لله ..
والحين بصراحة خاطريه فياااهل ثاااني خخخخخخخخخخخخخخخخخخخخخخ
صح اني تعذبت .. بس شوفتها نستني كل شي ..
نسيت اخبركم .. لما نزلت بنووتي استوت عندها مثل الكسره .. يعني سويتلها قبه ع جنب راسها ..
امي قالت لان النفس رصت عليها .. لاني ما قدرت ازفر ..
بس الحين بنوووتي بخير وسلامة .. وراسها اعتدل الحمد لله ..
وهاي هي قصتي . ادري طولت عليكم … فداعة الله
عقبالنا يا رب
مبروكه الصغيرونه,,,,
أنا أحس بموت وقت الولاده
وايد يخوف
بس غريبه ليش ياخذون توقيع ريلج حق الطلق الصناعي ؟؟ و إنتي اصلا فيج طلق ؟؟ تقصدين كانو بيسوون لج قيصريـــة يعني ؟
الله يبارك فيها و يحفظها و يجعلها قرة عيونج و عيون ابوها
الحمدلله على سلامتج ومبرووك عليج الصغيرونه وتتربى في عزكم ان شاء الله
وعقبالنا ان شاء الله