بنات الكليه حبيت اسألكم..
الفصل اليااي بيكون علي تدرييب ان شاءا لله
وابي اختااار اتدرب بمكاان خفيف..شرات رووضه اطفال ..بحكم قربه من بيتناا والدوام خفييف
شو بيعطوووني من الشغل في الروضه مثلااا؟؟ !
حد عنده فكررره او شي؟
لأني اببي اخلص الكورس وما ابي اثقل علي عمري..لاني ناويه اخذ خبره في وايد اماكن
بعد التخررج..
بس قلت ينفع اداريه صح؟
شوفي الخيارات إلي محطينها في الكليه واختاري بس روضه ما بتفيدج في شي ><
لان بينطلب منج مشروع اتسلمينه للمدرسه في نهاية التدريب
ما احس اني في شي تقدرين تبدعين فيه كـ مشروع يخدم الروضه
و حتى التقرير الي بتكتبينه اخر شي ما احس بتكون في رمسه تنقال
و شي من الاماكن يطلبون منج تقرير اسبوعي شو سويتي في كل قسم
اذا عطوج شغله وحده تسوينها شو بتكتبين في التقرير النهائي و الاسبوعي
وايد امور لازم تحطينها في بالج قبل لا تختارين الجهة الي بتدربين فيها الغاليه
بعطيج مثال انا تدربيت في احدا الوزارات و قبل لا اختارها اهتميت فكرة من كذا ناحية:
1. عندهم موقع رسمي على شبكة الانترنت يفيدني في كتابة التقرير النهائي.
2. عندج حد اييبج و يوديج كل يوم.
3. عندهم اقسام متعدده تقدرين من خلالها تنوعين في نوعية الشغل و تتعلمين اكثر.
4. هل انتي منقبه لان في اماكن ما يقبلون النقاب فـ لازم تسإلين عن هالشي
5. ساعات العمل هل تناسبج والا لا لان في منهم دوامهم لين 2 و نص بس للمتدربات يخلونهم يروحون من وقت
ولكن في بعض الاماكن يخلون البنات يداومون دوام رسمي.
6. موافقة الاهل مهمه لان في بنات يختارون بدون مشورة الاهل و عقب تتعارض رغبة الاهل مع رغبة البنت..
7. هل انتي مستعده تشتغلين في مكان مختلط والا لا؟
8. شهادة الخبره في نهاية التدريب "هل بيعطونج هالشهاده او لا"
هذي بعض الاشياء الي انا حطيتها في بالي قبل لا اختار المكان..
وربي يوفقج