شحالكم
بعد معاناه وحيره شديده استقريت على صالون الديار عشان أسوي مكياجي وشعري لعرس خالي والنتيجه كانت كالتالي :
بالنسبه للمكياج أساسهم مب حلو وايد يعني يذوب بس مايتكتل اهي كانت تستخدم أساس مائي بس ..
الأساس والبلاشر والروج تحطهم الفلبينيه .. وخبيرة التجميل بشرى ترسم العيون بس رسماتها حلوه الصراحه ودمجها رهيب أنا شفتها سوت لوحده مكياج أسود وأحمر وايد عيبني … غير جيه تتقبل رايج يعني تعطيج رايها بس تحترم رايج بعد … بصراحه انا ما تشرطت سكت للآخر مكياجي يقولون كان حلوو بس انا شفته وااااااايد أوووفر بس كان مناسب ويهي وعيوني لأنه الرسمات الخفيفه ما اتطيح عليه …
أما الشعر ماعيبني الصراحه يمكن لأنني سكت بعد واللي سوتلي فلبينيه ماعيبني شغلها راسي للحين يابس من السبراي ههههه التسريحه ملزقه وبينت شعري خفيف واااايد من ورا …
مرت أخوي سوت ويايه بس هي عاد قعدت تتشرط مكياجها طلع رووووعه والأساس ما ذاب لأنه بشرتها ماتعرق شرات بشرتي … وشعرها بعد طلع واااااايد حلو ومرتب ..
وهذي صورة عيوني بس مب واضحه وااايد لأنه تصوير تلفون والإضاءة ما كانت حلوه بس عشان تشوفون الرسمه … أهي استخدمت وايد درجات من البنفسجي وذهبي وآيلاينر أسود وتحت العيون حطت اضاءة حلوه
الأسعـــــــار بالنسبه للي سويناه
مكيــــاج سبيشــــل 250 درهم
التسريحه حسب طول الشعر أنا شعري متوسط سويته ب 150 درهـــم
شعر أختي قصير سوتــــه ب 60 درهم
بس حبيبتي شو أسعارهم
حلوه الرمسه الصراحه
المشاركة الأصلية كتبت بواسطة عائشه الظاهري 
بس حبيبتي شو أسعارهم
تسلمين حبوبه كلج ذوووق
وحطيت أسعار المكياج السبيشل فوق والتسريحات
المشاركة الأصلية كتبت بواسطة ظبوي حلوه الرمسه الصراحه
تسلمين الغاليه
الصراحه انا اعتمدته لأعراس ربيعاتي واهلي مابروح دبي إلا بأعراس اخواني بس
المشاركة الأصلية كتبت بواسطة شــــــــهلا عيونج الحلوووووه