بقيتكم تساعدوني بخصوص لون غرفة الأولاد فوق العشر سنوات للعروس

السلام عليكم

بقيتكم تساعدوني بخصوص لون غرفة الأولاد فوق العشر سنوات

شو أحلى الألوان لهم؟

الغرفة قبل كانت أصفر مع أزرق وهالمرة قلنا بنغير للبنسفجي وكلنا عايبنا اللون

حصلت بالنت هالصورة عيبتني وايد مع البيج

وهالصورة مع الرمادي

ألحين سؤالي شو الأحلى للأولاد مع البيج والا الرمادي لأنه مع البيج عايبني وايد بس أحسه للبنات أكثر أبقي اعرف رايكم قبل لا ابتلش!!

وكيف نرتب الالوان ف الغرفة؟

اذا بقيت ادخل لون خطوط عاللون الثاني؟ تهقون بيكون؟

حبيبتي أدا بسوين بنفسجي سوي لون هادي ودخلي معاه ابيض
لان كانت عندي غرفة بنفسجية كنت مسوية فاتح وشوي اغمج بس اللون مع الوقت يتعب

وانتي ودوقج

*

البيج مع البنفسجي الفاتح والبنفسجي القامـج ..
ودخلي يدار واحد مخطط بالالوان هذي ، والباقي لون بيج مثلا

موفقه

اللون البيج مريح اكثر من الرمادي
تقدرين بدل البنفسجي
يكون عشبي زيتوني وبيج…ولمسة بنفسجي

او فقط عشبي غامج وعشبي فاتح وبيج (جيشي)

موفقه

شكرا غالياتي عالردود