بس حبيت افيد
أول منتج خذته من الصيدلية وهو خاص لانبات الرموش وتطويله DOUBLE-LASH ومن غير مجاملة له نتيجة فعلية
2-بلسم لترطيب وتلميع الشفايف من خلاصة شمع العسل وفيتامين E من الجمعية بتلقونه صوب الكريمات PRITTY-lip blam pen
3-لحب الشباب وآثاره خذت الطريقة من اليوتيوب وفعلا زين..عبارة عن اسكينول شفاف لتنظيف البشرة من الجمعية+دوا حبوب دلاسينC من الصيدلية وهو خاص لحب الشباب..فتحت حبتين من الدلاسين وصبيت البودرة داخل الاسكينول وحطيت بعد غلاف الحبيتن في الداخل وتركت الاسكينول لمدة 4 ساعات وقبل الاستخدام اخضه واستخدم بالقطن على مكان الحب واثاره ..يشيل الحبة والاثر مع الاستمرار
5-من استي لودر..هالكريم Idealist روعة هو مثل السيروم للبشرة الدهنية..يخفف من المسام بحيث يغلقه اشوي وينعم البشرة وهو بعد كفر لقبل الميكب وريحته حلوة..ومن خلال تجربتي حسيت انه يفتح لون البشرة..انصح العرايس به وسعره اشوي غالي بس له نتيجة وياريت تسالون عنه ان كان فيه مثله مع عنصر الحماية من الشمس
6- من لوريال من الجمعية خذيت هالكريم للتجاعيد حول العين او الانتفاخ..يشد تحت العين ويستخدم لكامل الويه بعد
7-الشعر….شعري مرات يكون دهني ومرات جاف لكن الاغلب دهني فأستخدم كريم فاتيكا بالزيتون والصبار واللي يحمي الشعر من التساقط ونفس الشامبو..مب دايما احطي الكريم بس يبقى زين..وعشان تحافظين على شعرج من التساقط دااااااااااايما بعد السبوح جففي شعرج على طول بالمجفف..مرة حار ومرة بارد وبعدين مشطي شعرج بشويش..بهالطريقة حسيت التساقط قل ولله الحمد
اتمنى من كل الخوات الاستفادة وعسى الله يوفقكن
تسلمين … يعطيج العافية ..