حبيت اكتب قصتي بعد ما استخدمت فولتين (( Foltene ))
طبعا مرن 3 شهور من استخدمته …
الفرق اللي حسيته
الفراغات اللي فشعري امتلن.. طبعا قبل اللي يشوف شعري يشوف البياض(الصليعه)
الحين تشوفين الشعر اليديد الصغير في المكان ما شاء الله واللون ( رمادي) والصلعه خفت وايد
بنسبه 75%
طول بنسبه ملحوظه
وسمك الشعر غييير
ما شاء الله
والله يا بنات انا شعري انحسد ورااح ويتني العقد من وراه وقلت مستحيل مستحيل مستحيل يرد
استخدمت علاجات واااايده … ابر الميزوثيربي .. بخاخات .. كريمات … زيووووت بالهبل … وحماامات زيت … ولا اي شي فاد..
ومره رحت الصيدليه اييب وصفه الدكتوره .. وسألت الصيدلانيه .. شو عندج علاج زين للشعر
قالت لي فولتين وقالت انها جربته … وكان اوكي ..
طبعا انا توكلت على الله وخذته …
طريقه الاستخدام ..يوم ويوم ترك… و يستخدم مرتين في السنه خريف وربيع جي مكتوب عليه
طبعا النتيجه اللي انا حصلتها الحين بعد 3 شهور بس ..
العلبه فيها انبولات العدد 12
وكل شهر بوكس ( يعني الاستخدام يكون 3 مرات اسبوعيا ^^)
السعر 275 درهم
اول شي تفجين الغطا.. وتظغطين على الجزء العلوي … بتنزل بودره زرقا …وترجين الغرشه( يعني انتي تركبين مكونات الدوا في حين الاستخدام ) وبعد السبوح … حطيه على فروه الراس و دلكيه وبس
طبعا انا استخدمت من اسبوع كريم ترشوب … وخلا شعري خباااااااااااااااااااااااااااال ما شاء الله
والله ان كريم عجيب من غير مبالغه …
الغلظ صار اكثر والتساقط قل بنسبه 80 %
واحس ان الشعر يشرب الكريم شرب و الشعره منتفخه وفيها لمعه وحيويه
الكريم ريحته تروح بعد فتره بسيطه من تحطينه
والحين ببدأ بالزيت ماله … بس ريحته اقوى .. والكميه قليله ما تتجاوز ال5 مل
والله اعلم بتجربتي وانا نزلتها حصري لكم ^^
اي سؤال على العام بليز
الشركه هاي الهم منتج يكثف الرمش
وشامبو بعد بس انا ما ارتحتله
و الامبولات شي منها للرياييل ولون البوكس خمري
وموجود في الصيدليات عموما …
وادعولي اني احقق مرادي ….
وربي يسعدكن ان شاء الله … وتجربن وتحصلن …
عدلت الموضوع ونزلت طريقه استخدام الانبولات مع الشرح
هذا البوكس ومكتوب انه للنساء لان الرياييل مثل ما قلت لونه خمري و كريم ترشوب وشكل الانبوله
اول شي … على الغطاه بتلقين سهم اسحبي على اتجاهه بهالشكل
بعدين شلي الجزء العلوي
اكبسي الجزء العلوي عشان البودره الزرقا تنزل وتركبين المحلول
رجيها عشان المحلول يتجانس
وفي الاخير حطي القمع المطاطي وبدي وزعيه على فروه الراس … وممكن تظغطين على القمع عشان تتحكمين في الكميه ..
•°o.O ( اللهم إن كان رزقنا في السماء فأنزله) O.o°•
•°o.O ( وإن كان في الأرض فأخرجه) O.o°•
•°o.O ( وإن كان بعيدا فقربه ) O.o°•
•°o.O ( وإن كان قريبا فيسره ) O.o°•
•°o.O ( وإن كان قليلا فكثره) O.o°•
•°o.O ( وإن كان كثيرا فبارك لنا فيه) O.o°•
كنت ابا احط قبل وبعد بس حسافه راحت … 