هذا بسكوت فرنسي مالح…. حلو للعصرية مع الشاي…. بصراحة البسكوت حلو وهش ومقرمش…. ويستاهل إنكم تجربونه…
المقادير…
كوبين طحين
كوب زبدة أو سمنه (انا استخدمت زبدة)
بيضتان
نصف ملعقة بايكنج باودر
ملعقة صغيرة كمون (حب مب مطحون)
ملعقة صغيرة سمسم
شوية ملح
حليب للعجن (احتياط يمكن ما تحتاجينه)
للوجه…
بيضة
خليط من السمسم والكون
الطريقة…
يفرك الطحين مع الزبدة إلى أن تختفي الزبدة…
تضاف المواد الجافة (الكمون، السمسم، ملح، بايكنج باودر) ويخلط…
يعجن بالبيض لغاية ما تكون لنا عجينه مناسبة (اذا احتاج سائل اكثر زيدي من الحليب، معاي البيض كان كافي)..
تفرد العجينة وتدهن بالبيض وترش بخليط السمسم والكمون، وتقطع بالطول…
الحين…. امسكي الطرفين بالأيدين ولفي كل طرف بعكس إتجاه الثاني (الشكل موجود بالصور) ممكن تخلينه مثل ماهو بس جذي شكله أحلى…
ترص في صواني وتدخل الفرن لغاية ما يستوي….
ملاحظة…
لما تفردين العجينة لا تخلينها وايد رقيقة… خلي فيها سمك شوية علشان ما تحترق..
لما تقطعين العجينة خلي عرضها شوي كبير لنفس السبب..
حطي البسكوت في الفرن على نار هادئه إلى متوسطة لآنها تحترق بسرعة….
الصور توضح كل الخطوات…
ان شاء الله تعجبكم الطريقة….
حياكم الله….
thanks
وخزنتها للتجربة ..
اتعرفين ..انا اسوي هالطريقة بس بالبيف باستري وتطلع مقرمشة لذيذة ..
وارشها بزعتر ..سمسم .. سماق .. لكن كمون ماجربت 
وان شاء الله اجربها طريقتج
ويعطيج العافية .. وفي انتظار المييز منج