بسرعه ردو علي برد الاثيوبية المكتب اليوم لمشاكل المنزل

مرحبا خواتي سبحان الله من كم يوم نزلت موضوعي خدامتي الاثيوبية والمسلسلات التركية
واليوم بردها المكتب انا من بوظبي وخذتها من دبي
كثرت مشاكلي وياها وما كملت بعدها شهر اتابع مسلسلات ومنعتها الحين ومن يومين رقدت وما قدرت ادير بالها عالبنت طاحت بنتي وتعورت الله سلم عينها ومشيتها بس اليوم الصبح اتضاربت وياها لاني غيرت توقيت الشغل حسب الظروف اللي صايرة عندي فالبيت وما عجبها تبغى تشتغل على كيفها وبالوقت اللي هي تختاره وانا خلاص حسمت الموضوع واليوم سايرة دبي اردها
الموضوع الحين لها 20 يوم اشتغلتهن شو عن الراتب يندفع لها مال 20 يوم مع العلم هي اللي رفضت الشغل عندي وهي اللي قالت انا مب عاجبني شروطج فالبيت ورديني المكتب ؟؟؟؟

توكلي على الله أختي، والمفروض تكونين قارية الشروط قبل لا تستلمينها
أقصد بخصوص الراتب والحقوق المترتبه عليج وعليها..
بس دامها من البدايه مشاكل رديها، ولا تنتظرين أتيج مشكلة أكبر.. الله المستعان

تسلمين الغلا

لا تدفعين ابد

اختي اعطيها اجرها حتى لو ماعجبك شغلها،، هذا ما وصانا به الرسول صلى الله عليه وسلم ( اعط الاجير اجره قبل ان يجف عرقه.)

اختي دام انها اشتغلت عندج احسبي لها اجره المدة اللي اشتغلتها وعطيها اجرها وبري ذمتج لانج اذا ماعطيتيها المكتب بيسالج وبياخذ عنج اجر مدة العشرين يوم ومابيعطوها اياه فالافضل اتسلمينها اياه في المكتب عشان ماتنكر انج عطيتيها اجرتها وتكونين امبريه ذمتج

عطيها 300 درهم