أعرف وحده هي وحيدة امها بس عندها اخوان من ابو وساكنين روحهم
بس الام ’ فقيرة ومسكينه ماعندها شي غير هالعزبة ترعى حلالهـا
تخيلوا ياليت فالحه كلله ترسب فدراستهـا ومغرزة فأول ثانوي اظن
وتمت تزن على راس امها تبا كمبيوتر لييييييين ماباعت من الهوش
وقبل سوتها فيها عشان تسافر والحين تبا تسافر لا ومحدده اليوم والتاريخ
وتقولها اقبضي الجمعيه بسرعه وسفريني !!!!!!!!!!
وامها تتذلل للحريم تبا تقبضها بسرعه ….. وهي حرمة عووودة وتسوق
وتخليها توديها كل مكان من دبي للعين .. حدايق اسواق كل كل كل مكااان
قسسم بالله اشفق عليها ماتقدر تقعد فالبيت وتتشكى من ويع ظهرها وريولها وخاطريه مرة اعرف انها تهمزها
وغضب اليووور مرات البنت تسبها وتقولها كلام استحي اقوله جنها وحده من الشارع
اوك قلنا مالهن غير بعض ومثل الربيعات بس مب جييييييي
والباص ايي لين باب البيت ’ لا تبا تسير بسيارة ماتتنزل تركب باص
امايه وربيعاتها كل مانصحن الحرمة ويقولون لها هب زين جي ترخين لها فـ كل شي
كله تقول بنتي الوحيدة وبنتي الوحيده ’ والله حرام خاطريه من الغصه أيرها من شعرها
مب ناقص غير تقولها كتبي بيتج باسمي قبل لاتموتين <– ماستبعد فيوم تسويها
انا والله من اعرف مسوية شي مثل جي اسير ابوس راس امايه
ياما تبهدلت عشاني فهالتكاسي عشان تسويلي الي اباه
قمت اعرف شكثر تتعب وماترقد الا ومهمزة ريولها وظهرها ولما تزورنا ام البنيه وتجوفني اسوي جي احسها شوي وبتصيح
وماطلب منها درهم واحد
وكل ماتعطيني اقولها امايه انا ماكله شاربه وراقدة واخواني مب مقصرين .. وتحز فخاطرها
ليش جي بنات اليوم مستويات انانيات وبطرانات ومايقدرون معنى الام ولا الابو ؟؟؟؟؟؟؟
عموما انا قمت ابتعد عن البنيه كل ماحاولت افج معاها الموضوع اطبني جني اطالبها بـ دين ..
شسوي ! كيف افهمها ان هذي امها واذ راحت مابتحصل هذا كله ومردها لاخوانها الثانيين
والله يهدي بنتهآآ >< لااا فات الفوت ما ينفع الصووؤوؤوؤت انصحيها حياتي حتى لو ما اسمعت لج
عطيييييها اشرطه دينيه ولا كتيبات عن بر الوالدييييييييييين عسى الله يهديها يارب والله هب عارفه شو اكتب
معووره قلبي امهاا يحليلها >< ..~
Allah yhdeehaa bs oO y3een omhaa 3laihaa bs
الله يجازي بنتها مابتعرف جيمتها الا عقب مايفوت الاوان .. الله يطول عمر الام ,,