بانيان تري الوادي،،،،،،،، يخوف و مسكون

السلام عليكم،،،،، مابغي أطول في التقرير و أحط الصور،، لأن ماشالله شي بنات مسويات تقارير رووووعة عن المكان مع الصور،، اللي خلاني أتشجع إني أسير هناك مع ريلي و بنتي،،،،،،،،
المكان مثل ما شفتوا في الصور في التقارير الجديمة،، المكان فخم و روعة،، و تصميمه حلو،،، بس و الله والله المكان يخوووووووووف
حصلنا وقت الحجز عرض تحجزون يوم و الثاني مجانا و الثالث عالظهر جيك آوت،، قلت حلو بنستانس،،،،
ودينا معانا ساندويتشات و كرواسونات عشان بصراح أكلهم وااايد غالي،،،، في المنيو وجبة مشاوي كاملة ب 950،، يعني تقريبا ألف,,, اول مرة بحياتي أطالع مشاوي ب 1000 على عموم،، طلعنا نتمشى في راك و اشترينا أكل و جي و ردينا،،، على طول عالمسبح،،،، بصراحة حلو،،،، كنا مغطينه و يعني استوت لنا خصوصية ماعاد إن ورا الغطا،، صحرا،،،، المهم
بالليل،، بعد ما رقدت بنتي سرت أنام من التعب،،و طول الليل اللي يدق الباب و أصوات طقطقة،،، المهم طنشت و نمت ،،، و باليوم الثاني نشيت على صوت بنتي لقيتها واعية،،، قلت بأكلها و بخليها تشوف التلفزيون و برجع أنام،،، سرت أشوف علبة الكرواسون (فيها 5 حبات) لقيت فيها بس حبة وحدة،،، استغربت،، قلت اكيد عالفير ريلي عقب الصلاة يلس ياكل،،، المهم،،، و أنا امشي حصلت حبة كرواسون طايحة تحت طاولة التلفزيون في الزاوية،،، سألت بنتي أنتي فريتي الكرواسون،، قالت لي لا،، أنا أعرف بنتي ما تسوي جي بس سألت من باب الاحتياط،،، سرت أعدل الغنفة اللي مسوينها شبرية حق بنتي حصلنا القطعة الثانية ورا الغنفة،،، هم سكت و ما قلت شي،،، و بعدين سرت افتح الستاير عشان نشوف منظر الحوض عالصبح،،، حصلت قطعة ونص من الكرواسون ورا الستاير،، (مفتتة)،،، خفت ،،، سرت أواعي ريلي و سألته،،، استغرب،، قام شاف و صورهم،، و بعدين حطينا البقرة بصوت و طلعنا برع و درينا عالعصر،،، شلهم ريلي بكلينيكس و فرهم،، و بالليلة الثانية الله لا يراااويكم،،، طقطقة و حد يدق الباب و يلعبون بالليتات،،، لدرجة أنا و ريلي قلنا بنسوي جيك آوت،، بس المكان بالليل وااايد يخوف،، الدرب ما فيه ليتات و الباب بعد مافيه عين سحرية بحيث تشوفون منو ورا الباب،، و الله و الله إني أنا و ريلي ما رقدنا،،،،على هالحالة،،، غفيت أنا دقايق و شفت ريلي تحرك بسرعة سألته شو فيك،، قال شاف ظل اليد على مقبض باب الصالة،،،،، أعوذ بالله من الشيطان الرجيم،،،، و الله لولا ريلي جان مت من الخوف،،،، قام ريلي يدعي و يصلي بصوت ،،، و تمت الأصوات من برع الفيلا،،اللي يدق الباب و طقطة و جي،، لين الفير،،، صلينا الفير و يلسنا لين شرقت الشمس،، عقبها فتحنا الستاير و شفنا الغزال،،، و عالساعة 8 و نص الصبح سوينا جيك آوت،،،
و عند الريسبشن تسألنا الحرمة (استانستوا في الفيلا)،، قلنا لها لا،، و خبرناهاا السالفة جنها ما صدقت،، جان نراويها الصور في موبايل ريلي و الله بققت عيونها و صدقتنا عقب،،، وقالت بتخبر ملاحظاتنا للإدارة،،،

عقب ما وصلت البيت و ريحت شوي سويت بحث عن المكان وحدة كاتبة إن المكان كان قبل مقبرة،،، و حدة ثانية اسمها في المدونة ريامي دبي كاتبة هالتعليق (أبداً ما انصحج فيه
خسارة الواحد يدفع في مكان يروح يرتاح ويسترخي واخر شي ينجلب لخوف وتوتر………
لأني حسيت والله أعلم أن المكان مسكون…مو طبيعي أبداً…كان حد يدق على باب غرفتنا وكل مانفتح محد..غير الجرس كل مره يدق لين الصبح بس الصبح أبد ما دق…….ان اوريلي حسينا الغرفه فيها شي…لدرجة قلنا بنروح الساعه 3 الفجر بس قلت له خايفه اطلع هالوقت..وتميت اقرا في نفسي…بتقولون تتهيئين…….انا ماقلت هالكلام لحد..بس أخو ريلي راح هو وحرمته نفس الكلام اللي صار لنا صار لهم..هني تأكدت أن المكان فيه شي..
هذا والله أعلم..لج الحرية الصراحه بس أبدا المسبح مو شي…)

بصدق كل كلمة قالت،، إلا إن المسبح مب حلو،، هو حلو و تستانسون فيه،، بس يوم تتخيلون إن حد معاكم تنسون كلمة وناسة،، الراحة و الاسترخاء تتحول لخوف و توتر،،، و الله،، انا و ريلي قلنا تووووبة نرجع هالمكان مرة ثانية،،

و شي فرع ثاني لهم في البحر،،ورا الجزيرة الحمرا،،،، عاد جزيرة الحمرا معروفة أشكرة إنها مسكووووووونة،، ياما سمعنا سوالفها،،، كيف مسوين شاليهات هناك؟؟؟،،، حشا،، الله أعلم،،، أنا قلت بكتب اللي عندي،، لأني كثر ما كنت متولهة أسير هالمكان ما توقعت الرحلة بتتحول رعب،،، كتبت لكم تجربتي بأمانة و أنتوا على هواكم،،،،،،،،،

في أمان الله،،،، بانتظار تعليقاتكم/// و هيه صدق مابغي وحدة تقول لي توسوسين و هالخرابيط نفس الأفلام ،، (في الأفلام مثلا تقول البطلة إنها شافت شي و اتم خايفة و محد يصدقها لين يشوفون بعيونهم، و عقب يصدقون)) الحمدلله نحن ملتزمين و ريلي متدين،،، هذا اللي صار حرفيا،،،

ويييييييييه خفت بسم الله الرحمن الرحيم

شو هااا الله يعينكم يحليلج ما استانستي مشكوره لاني خبرتينا بتجربتج والله بالعيد كنا نبي نحجز ليله بس الحمد لله مالت عليهم وعلى فندقهم ما شي مكان يعني الا المقابر لا حول ولا قوة الا بالله

الصراااااااحة هذي موب اول مرة اسمع فيها السوالف عن هالمكان

ربيعتي سارت هي وريلها وبعد استوالهم نفس الشي بس تخيلي ان في الصالة يشوفون جدامهم الغنفات حد يحركهم هم يقولون يمكن هزة ارضية بس الغنفة تتحرك في مكانها وطلعوا من المكان الساعة 4 الفير

وونفس الشي قريت في منتدى ثاني سالفة حد يسال اذا مسكون لان الريال سار هو وحرمته وعياله والعيال شافوا حيوانات صغيرة وقالوا يمكن يتهيأ لهم واخر شي يسمعون
حد يصب الماي برع

مت من الخوف انا كله ولا هالسوالف يا ربي احفظنا

أميه خفت أنا كم مرة سرت هناك لكن ما استأنس لان أمرض
والله العظيم خفت

هيه و الله،،حلفنا والله ما نرجع لهالمكان مرة ثانية،،،، رعبببببببب

تصدقين نحن بعد سمعنا صوت الماي بس قلنا من الحوض و ما سوينا سالفة،،،، بس عقب تأكدنا إن في حد