شخبآآآآآآركم ؟؟ ………..
خلاآآآآآآص مابآآآآآجي شي ع الجآآآآآآآآمعة .gif "12 (13)")
أنا قبل لا ادش الجامعة كنت اسمع من بنات عمي انه ايدينهن احترقت من الشمس .. واختي داومت قبلي بكورس ولاحظت انه لون ايدينها اتغير يعني من فوق افتح شوي …
المهم دشيت الجامعه واستوا شكل ايديني يضحك واسمرت وايد حتى ماكنت اقدر البس نص كم في البيت لانه شكلها كان يضحك ابيض من فوق ومن تحت محترقة من الشمس جني لابسة قفازات ههه .gif "12 (72)")
فكرت وفكرت في حل واخيرااااااااااااا لقيت الحل الي رجع ايديني شرات قبل واحلى من قبل بعد
وقلت أنزل لكم الطريقة بس هااا مايبالها وحده متعايزة … اذا كنتي متعايزة اقولج من احين لاتعبين عمرج وتقرين الباجي خخ .gif "12 (18)")
طبعا الكل يعرف الجليسرين السائل وفوائده للبشرة يفتح اللون والاماكن الداكنة في الجسم وينعم الجلد
وصنفرة كريم كاب متوفرة في الصيدليات ومن فوائدها انها تفتح اللون وتزيل الخلايا الميته في الجلد وتنظف البشرة
شوفوا حبيباتي أول شي بلي ايدينج بماي وحطي شوي من الصنفرة واذا ماعندج ممكن تستخدمي السكر وفركي به ايدينج شوي وبلطف وبحركة دائرية دقيقتين ..
عقب غسليها بالماي ونشفيها وحطي زيت الجليسرين ويفضل اتسوون هالطريقة بعد ماتردون من الجامعة على طول بس لا تعرضي ايدج للشمس والجليسرين في ايدج أوكككيه يا حلوات …
بعدنا ماخلصنا .. قبل لا ترقدين ادهني ايدج بالجلسرين أو الجلوسوليد ..
الطريقة الثانيه وانا ماخذتها من مدونة مغربي الي هي : ادهني ايديج بفازلين ويا صابون مغربي واظن تعرفونه وبعد ماتدهنين ايدج لفي ايدج ببلاستيك أو البسي قفازات أنا افضل تلبسون قفازات ماتبونها لان بيتغير لونه والفقازات احسن من البلاستيك الي سمعت انه مايخلي البشرة تتنفس . المهم خليج لابسة القفازاات لمدة نص ساعه بس يعني 30 دقيقة أو اقل حتى وعقب غسلي ايدينج من الصابون وشوفي النعووومة كييف وادهنيها بعدين بجليسرين او كريم مرطب …
ومع الاستمرار بتفتح لون ايدينكم وبتصيييير حللللوووة وناعمة وبيضة ^^ بس اهم شي الاستمرار ودروا عنكم العيازة …
أتمنى تستفيدون ومابا منكم غير الدعااء بس …
وانتظرونا في مواضيع ثانيه ان شاء الله …
ورمضان مبارك عليج ان شاء الله
بجرب
وان شاء الله تفيد
الله يبارك فيج